可怕的颱風..阿傑回増城集訓

今日...我好早就起身了...原因...當然唔捨得你去集訓啦~~22-28日~~嘩...好多日呀~~不過今日打風..9號颱球~~聽起來..實在有點害怕...所以更加擔心你..因為大陸既高速公路我覺得好危險....仲要一早已經8號颱...所以早上叮囑你到達後一定一定要打比我..報平安。下午1點左右..收到你既電話..好開心~今日同堃仔傾左起碼五小時既msn~~大家都覺得傾得好開心...可能大家悶...佢仲話...第一次覺得同人傾msn可以咁開心..以前從未試過~~聽完之後...開心到暈底啦~~

小B已回家

21/8(四)小B已出院回家休息，已經可以慢慢食返東西，情況良好。希望家中的傻q..唔好傻傻下走去搞佢....

探病..小B

今日(20/8)，早上過球場睇四角賽，未到真正睇波日子，我已經覺得好熱啦~點算好??今日請左半日假，去左診所探小B，小B今日好累，小B見到阿傑，喵左幾聲，連眼睛都係開了少少，個心好痛..好唔開心..覺得對小B唔住..如果唔係阿傑大意，小B亦都唔洗捱一刀~~~我真係好難過....

小B動手術

今日(18/8)收到一個壞消息，小B兩日來都唔肯食野、飲水又嘔。目前只有擔心~到左夜晚，小B都係唔肯食野，傑媽夜晚就帶BB去睇獸醫，但睇唔出有D咩事，之後醫生建議照X光..$1680....反覆驗了幾次，結果還是一樣，腸內有"舊"野，但一定唔係硬物，醫生比兩條路簡，1.等死..  2.做手術。當然諗都唔洗諗，即做手術啦~~當晚十點左右開始做...我一直好驚，唔咁關電話，一路等好消息。差不多11點左右，小B手術成功，原來小B食左一條頭繩....仲要係好大條...點解會食得落嫁???小B丫~~結果用了$7000救返一命，雖然好貴，有點肉痛，不過我覺得整得...因為小B係我心愛既寵物。

探小B

今日(16/8)收工之後，就返左去阿傑屋企探探我隻寶貝，非常之可愛。但我今日第一次見到佢嘔，嘔左兩次，我見到佢好辛苦，真係心到痛~

傻Q..大家覺得佢似唔似一隻貓呢??

佢好叻..好鍾意影相~自動望鏡頭

阿貓地灘

今日隻左眼生左粒大瘡...搞到我即刻去睇西醫..$160..希望搞得點啦..如果唔係..就要割..........今日去左銅鑼灣做簡單既身體檢查..我全部肥佬...我21歲..應該有104磅..少了20磅..脂肪-1~~~~點算好呀??佢sell我買$899鯊魚丸..好貴呀~~當然無買啦~~之後去左阿貓地灘(第一次去咋)好多好得意既貓貓....之後行街街...shopping~開心又一日..之後返左大埔食壽司..真係好平...碟碟都係$11.5

黃色果杯野幾好飲($32杯)

好靚一幅掛畫

留言紙仔

最靚既一隻貓

好可惜..下午茶時間...隻隻貓貓都zzzzzz

2008年7月29日..操練日

這一天操練..他們稱開 "大" ，作為一個職業運動員，真係唔簡單。

這張相..我好鍾意...別有一番風味

炎炎夏日跑步日

7月25日(星期五)天晴...一眾球員去到某沙灘跑步，而我...當然留返係有冷氣既地方啦...咁辛苦~~

熱熱身

已經唔知跑左幾多轉了

練得一身好肉

足球訓練班首次比賽

今日我早早就起身了。原因？今日有一班好可愛既小朋友踢比賽呀，這班小球員由趙sir及陳sir兩位教開，但陳sir今日要出席奧運活動，所以由趙sir一手包辦。當然仲有我Li個幕後工作人員啦~~雖然兩場比賽都輸了，但最重要係開心~

比賽前大合照

完半場(這班小球員要趙sir一聲'喝'先安靜下來..你地乖啦..得五分鐘時間咋)

這次簽由我抽(唔知是好定是壞..對手山度士足球學校)

最後當然要影返一張大合照啦~