今日唔經唔覺見到一張舊海報，覺得有點新奇，因為真的太耐了，我已經忘記了 "它"的存在，所以係公司用scan的模式放落電腦，這個書可算是趙俊傑人生另一轉捩點，為自己開了新一頁，由他出道...過往的辛酸...整個過程...由失敗變成今天的"他"，相對我來說，算是成功吧！！他被當年的黎新祥點名叫他放棄，比隊友笑他沒天份，但他的堅持帶來今天的小小成就，我..已經很滿足，我相信很多球員跟他的想法一樣，就係....入選港隊，雖然錯過了今年這個機會，但我深信他的堅持，一定唔會放棄，我好希望康復後，好好裝備自己，為自己下季再戰開人生另一頁。因為「足」令他圓夢。
各大書局還有售。「足可圓夢」
今日係來強生日丫..又大一歲，今晚飯局Book了灣仔會展六樓"會景餐廳"食Buffet，有主人家兩公婆、我同阿傑、光仔、阿冼、阿霆、師傅、一行8人，我同阿傑好準時就企係到等.....之後阿Milk亦都到達，我地先行上去，安排了一張長枱，這裡環境一流，好寧靜！6點45分，他們亦到抵達，好肚餓啦，係時候開大餐，煎大蝦、芝士焗蠔、芝士焗薯仔真係好味到冇得頂，相片隨後送上給大家欣賞。今餐每位$32x，送一杯飲品，我地由6點半坐到10點，飽到冇得頂呀！
好耐冇食過Buffet啦~
可愛的阿冼！
第二至愛~
來強老婆，大家認得她嗎?
來一個大合照！！
p.s. 希望來強今季入多d金球！
今期Soccerwave已經出版，平時，我係唔會買這個書的，到底咩原因令到我今期會買?睇落去就會知道.....
好好認住啦！仲未估到呢?
有留意我個Blog既朋友一定知道啦！見到原因未呢??你仲未知道點解?
現在既你..一定明啦﹖
喜歡有目標、有理想的你，你一直從來都唔會咁容易放棄，這才是你最大的成就，樂觀面對件事，有幾多人真真正正做到，你熱愛足球，從來沒有諗過放棄，欣賞你這種精神，冇野係解決唔到，請你相信自己，一步一步慢慢來，人生、足球這條路是漫長的。請你給自己好好休息這一年，明年既6-7月，再起步，再上人生既高峰。
「很多謝記者們這篇報導」
2008/10/18(六)，今日係旺角場比賽，vs 愉園....比賽後，阿傑建議提早買生日禮物比我，結果過了尖東的LV，廣東道果間太多人了。相反，尖東那間全店只有我倆，太好呢！！！其實早早已經想定買什麼，只不過咁貴，當然要左諗諗，右諗諗啦。結果，阿傑幫我決定了LV紫色壓紋(新色)，結帳..多謝$5400....嘩...太太太太貴了，我一直害怕好容易花左..變得唔值錢，所以我又買了一個Hello Kitty袋保護它。
大銀包，一直都想有！恨到了！
愛不釋手....
舊的那個LV，我覺得還是很新，試試到大家熟識的二手店地方問問，結果...太害怕了，銀包只收$500，散子包只收$300..加埋咪得$800.... O！No！回來跟阿佳傾到這問題，他建議我搵搵他的老婆幫忙，所以....試試看吧。
舊的係時候要拜拜了！
P.S..給阿佳老婆Post了一天，散子包$600人民幣賣出了，極滿意之價錢。
P.S. 其實趙俊傑真係好好人，太過錫我(可以話寵壞了我)，心地又好，反而我...一直又一直傷害緊佢，4年來.....傷過佢都唔知幾多次囉，點解我會咁嫁?雖然趙俊傑唔靚仔，但以佢既條件真係可以搵到一個好錫佢既女仔，所以我好希望今次可以變乖，聽話！
每一天都會倒數著，1、2、3、4.........14....由一個月前到現在不足兩星期，內心好亂，他現在跟正常人完全無分別，但手術後，又會變成點呢??好好練習，是否真的可以跟之前一樣?我們只好相信、深信醫生的決定，我知道背後的朋友亦會支持阿傑，這個小難關，我相信很快就會過。
而我既工作，我早早就在21/10已經完成，一次過完成兩項工作，所以臉上生了不少豆豆，太累了。
2008年10月17日星期五，上午十時到達荃灣沙咀道遊樂場，今日既隊手係明星足球隊(當然唔係歌星果d啦)，因為今朝球隊練早，所以派出光仔、阿冼、得豪、阿勇、阿禮、小毛、一個精英隊成員，康復中的樹燊、受傷中的阿傑，以及我。今日焗一焗，又落雨，唔洗講...最終病了。不過都好開心既，跟成大班一齊，笑笑下..又一日！今日soccer wave既記者仲同阿傑傾左一陣計。
嘉賓留念
這張相排位好靚，中間者是康復中的病人
我們今年既新領隊，蔡先生。
好多好多記者，我迫迫下去到後面..專業就係專業，企位都快人一步
領隊話︰阿姜，我都未同你影過相..真好記性，的確未！
嘉賓握手。
正面的位置，記者姐姐、哥哥已經企了，我只好....企過好多步先影
記得他嗎??
好開心可以跟他合照，非常好人！
2008年10月7日，星期二，紅日放假，唔知點解今日個心情好想去吹吹風，所以諗住靜雞雞自己一個走到赤柱，點知..出門口..就收到趙俊傑既電話，問我係到做緊咩??之後我就講左比佢聽...最終..一齊出發了。今日天氣好好，有太陽但又唔熱。
大家覺得張相係佢影定係我影呢??
美利樓地下
本身我影自己一個，點知..你....
見你咁想同我影..好啦..准你一張咁多
晴晴環境好靚..但你既動作好似....自由行一樣...哈哈。
大家滿意趙俊傑的影法嗎??我....keke..不用多講了
如果我隻手長d..影得既境又會闊多D..你話幾好呢??
不過相比起...我已經好得多了
張相感覺好怪，人變得細細粒，好矮...但個境...大得很
到底你想影境定係影人??
雖然相唔清楚，但別有一番感覺，坐船仔返尖沙咀
唔知大家對阿傑影相既評價係多少???總括計...十張有3-4張是失敗的。
2008年10月13日(星期一)，今日係大佬B既畢業典禮，我非常榮幸被大佬B邀請出席，該次活動於九龍灣國際展貿中心六字樓舉行，場面非常壯觀，個個整整齊齊帶住四方帽，感覺好新鮮、好特別，我快22歲人仔..還是第一次出席。
出席畢業典禮好友..我極喜歡的一張相
大佬B當天很美、很美。
當天是出突然，我著左人字拖..好彩..長裙救回我..大家應該睇唔出掛??
大家請留意左下角的小朋友，相本應沒有他...哈哈...佢跑跑跑..影到他了..鬼馬樣
我手中的花是Joel一家人送的。
而大佬B手中的花，當然是最重要的人送啦...靚嗎??
大家一齊見證大佬B的喜悅...請看看圖中的小朋友。
真係要攬實這個朋友呀。愛你B女！
