2009年1月29日 星期四
今晚阿傑去我屋企拜年，我地選擇左大埔中心「東江雞」，唔錯唔錯！！最終都係我爸爸找數。食飽飽我倆又去行街街，唔返屋企........住。
其實一直想換電話好耐，因為Nokia N82 聽筒真係好有問題，我之前已經整過一次，驚佢又壞、又整！阿傑果部佢媽咪幫佢搞點左，Nokia專門店係全數退回(即係佢都覺得部電話有問題啦)~~唔理咁多，快快手買返一部新既用...又給自己一個值口
睇左好耐，都唔知簡邊部好，因為阿傑唔想再買咁貴，越貴果d越容易壞，可能功能多易壞掛??
最終.....我都簡左LI 部平野~
L708 Rose Pink.....個款幾順眼，平平地...太好了~
我賣左舊果部nokia n82 比豐澤，收$1850，出奇地高。
新電話每部值$1300(sales好好人，無渣打信用卡都肯平比我)
我只要補回$750就可以了。阿傑的電話還可以退回全數，可以袋返三千幾蚊。
你話值得開心嗎??
2009年1月26日 大年初一到啦，在此祝願大家身體健康、心想事成！！
講返，這兩天我到底做左d咩呢??
大年初一︰
每年都會返嫲嫲到拜年，今年都係一樣，上到去，食下年糕，之後等到三點半落酒樓打麻雀啦，我地這班唔大唔細既小鬼又唔知做咩好，睇戲...又冇位，行街...又唔想.......ooooo
到底可以做咩???我相信大家都估唔到。
就係由荃灣去到這個地方，但我地只有兩小時可以用。
就係Li到啦~五分鐘就黎到，西鐵，大部份人都係第一次搭，感覺真係好快~
咁遠黎到，當然要黎這裹啦~年初一食$68(唔知平日係唔係呢)
食飽飽，個個都話好耐好耐無搭過輕鐵，又好，又試試。
大家睇唔睇到我隻手拎住d咩手信呢??
之後返荃灣食晚飯啦~~
完結年初一。
年初二︰
訓到隻豬咁~~十點左右先起身，今日約左阿傑屋企人食晚飯，傑媽早早訂左位紅磡酒樓。
今日跟爸媽去過車公廟後，食過下午茶，就過左阿傑屋企，都係三點左右，好早，上到去，now播緊新警察故事，唔知點解覺得好好睇，一直企係到，無郁過，坐坐下仲覺得好凍，叫肥仔拎左"被"比我！你話幾舒服呀~~
晚上傑爸6點半車我們過去，食飽飯，我同阿傑當然有下文啦~
「家有囍事」2009
其實早上既時候已經周圍睇下有冇位book，點知，amc、ua、圓方，間間爆到七彩呀~~得返第一、二行，咁辛苦，當然唔簡啦~
最終我地去左邊到睇，紅磡最近既地方係邊到??又比大家估下。答覆係最底。
紅磡大堂，見到我既最愛，當然唔放過啦~但張相影得唔清~~
趙俊傑呀！趙俊傑！今次你影左咁多張相，有9張係完全失敗，已經未計即影即剷果d啦~~你影相真係得人驚呀~~
只有以上的相成功咋~ooooo
答覆係︰黃埔UA，好彩我早上訂左位咋，最前第二行都有人坐，全院爆滿。
早上篇︰
今早相約了光仔、來強一齊睇Billy，搞曬後，我同蕃薯傑漫無目的一直走，走..走..最終到了尖沙咀，傑哥12點左右又肚仔餓，而我，一點餓既感覺都冇，只覺得飽飽。
都唔知食咩好，所以去左新港中心--「大食代」。個名奇奇怪怪，但落到地庫原來係一個food court，韓國野、雲南米線、點心、燒味、日本野、甜品，價錢亦都很化算。
傑哥所選的日本野，價值$28
蛋，中間包住麵，特別呢~
食飽飽，行左一陣，就諗諗去邊好呢??
Li到靚唔靚呀??大家知唔知道係邊呢?
玫瑰大花，又可以坐，勁特別、好靚呢~
(沙田)
因為擔心貓貓幾天完全無人照顧，所以又專登返去睇下佢地，結果食物全部倒在地上、水..沒有了。叫我如何放心是好??
今日返到去，再執執去，洗洗月餅盒，放滿了水及貓糧
大家好唔好眼力，見唔見到小貓B....?????
傻貓到現在兩年多，仲係仲係咁死惡，好似想殺左我咁~~
(我成日比你食罐頭、魚乾都仲咁惡死)真係比你激死
答覆︰4小B就係Li到啦
之後過大埔中心逛逛，趙俊傑你就好啦，又買Game啦~
晚上︰各自回家食飯(我家團年飯)
其實跟你拍拖...數數指頭已經走入第五個年頭，對於我黎講，已經打破了以往的紀錄，剛剛拍拖只是玩玩下性質，對感情毫不認真的我，到現在，會想到將來你我倆的事，看似定性吧！我自己都不相信！！
之前都跟你說過，希望將來有機會的話，可以在這個地方做一些有紀念價值的事。你還記得嗎??
而這個地方...就是...你我相識的地方、亦是第一次跟你見面，雖然沒有談話，但反而令我印象深刻。
「跑馬地球場」。
還記得每一課練完後，叔叔總會開咪︰2、3、5號場夠鐘，過左冇耐，見你地仲未走，就會開水....永遠給他整到.....ooooo
過往的四年，我們已經去過好多比較特別既地方︰澳門、大礖山(昂坪)、山頂、海洋公園、赤柱、迪士尼、珠海，我相信還有呢.....
過往經歷的慘事，比他們任何人都多出數倍，局外人看似很簡單，但當中的道理你又會明嗎??
但我們比起其他更苦的人，已經幸福多了。
新的一年，我們再從新開始吧！總有一天會成功呢~
2009年1月21日 星期三
今日大學專線有記者到球場補影返小小相，我這個八掛妹當然唔放過任何機會啦，所以...我又去左球場到睇睇。
兩個好朋友，傾下計先啦~
阿傑話好耐冇曬過太陽，加上Li排又熱返d，所以...除衫了
辛苦曬..阿冼
阿傑既頭搥真係好靚~
以前跳高頂仲型仔~
胸肌仲大.....這些都是你努力的成果
個股仲大~
阿傑既小腿不錯呢~
你睇下阿傑幾勤力，大家話︰光仔係到做緊咩呢??「嘆王」、「大爺」??
肌肉，好耐冇見過你啦~
全晚既預備組都唔見左阿傑，到底佢去左邊??
就係...
......
掛住同「四海」既人傾計。
同阿遠、阿象、肥康......傾傾傾.....
差不多完場先見人，有冇搞錯，好彩今晚唔算凍咋，如果我病左，新年你話點算好?
打鑊金送比你。
keke
