遊戲由2009年4月20日 凌晨開始了，唔知道最終既結果係點呢??
我琴晚(21日)不斷不斷反反覆覆問自己，到底我想要既野係咩??
錢︰真係好重要，但我唔係貪錢，只想有一個簡單安穩生活已經足夠。
兩者只有一個人可以滿足到我，不需要我擔心任何一樣野。
將來︰阿傑一直都為我地將來作打算
而你，我真的適合你嗎???你屋企人不介意我年齡大過你嗎??你真的會諗我地有將來嗎?
錫︰兩者同樣地一直都好錫我，阿傑問過我︰佢到底為你做過d咩??難道佢付出少少就可以埋沒左我地4年幾既感覺??
其實真係唔會埋沒，只不過我既性格一直都唔定，個心亦都不斷唔定，亦唔知道幾時先可以定下來。
我跟他的關係比過往的仲要好，仲要好好多倍。
可能我為他付出既亦比過往的多。
你問我想唔想同佢一齊，我真係有咁諗過，但我知道佢唔會照顧到我，因為他的思想比我還少，只顧目前開心。
我一直傷害緊你地兩個，點解你地兩個都唔肯放棄我這個壞女孩??
對唔住兩位。
16號至今，婆婆入院已經第三天了，情況一直在轉壞，報告說出婆婆膽管發炎及塞，亦有發燒出現，如血壓一直降的話，亦不會做任何搶救，待她自然..........已經叫我們做好心理準備，心理準備既定義係咩??/真的可以嗎??
我真係發癲啦，我真係好掛住婆婆。
還記得婆婆常常跟我笑的樣子，到今天在醫院的她...心痛極了。
第一天還認得我....媽咪...及敏表姐...其他的已經不知道是誰。
第二天我沒有去，因為人數太多了。
第三天雙眼一直合著，不斷流出眼水，食糊仔(藥)亦食到滿臉通紅，一眼亦沒有看過任何人。
第四天望過我一小眼，之後繼續訓訓訓，不繼出汗，個頭都濕曬，我幫佢拎走一張被，幫她沬過淚水.....一直捉住她的手...真的不想放。
......
......
4月25日精神好好，我看她的時候還有精神，但報告出來非常壞透，中風、爆血管、內出血(未知原因)、老人痴呆，心臟問題等等，今天她的半邊身腫到豬蹄一樣，但對著我們還笑笑口，我叫她記得乖乖食藥，等你出院一齊打麻雀，這刻她真的想說話，但沒有任何聲音，婆婆永遠都係我的小寶貝。
4月26日胃口一般，一直幫她吊了炎水、今天加多了一部心臟機，就好像電視中的一樣...但今天婆婆昏迷了，誰叫她都沒有任何回應.......
2009年4月17日 星期五 開心之日
點解會咁開心？
因為阿傑由今日開始正式跟大隊練習啦...但仲未可以同人撞，所以好多謝各位隊友對趙俊傑既愛錫。自動收腳、唔撞阿傑。謝謝你們。
但阿傑唔滿意自己狀態....佢覺得有好多波都交失波，所以有唔開心，我說了一些安慰說話︰是岩是錯...我都不知，只想你開心。
你今日先正式同大家練，你由9月開始一直傷到而家都未「點」過波，狀態一定唔會好，係正常嫁..
如果你練左一個月之後，仲係咁...你先再諗Li個問題。
阿傑話︰太耐冇練過波(跟大隊)，所以今日踢分隊賽，佢同我講話好驚，自己狀態唔好，好驚令隊友輸波。
我同阿傑一齊咁耐，真係真係第一次聽到佢講過「驚」字，我識既趙俊傑從來都唔識驚，唔驚鬼佬、唔驚南華、唔驚大猩猩.....不過有一樣野佢一定係最驚，唔知大家估唔估到呢?
其實我覺得d隊友都會睇諒你，知你大傷過後....好多野都會唔同曬~
盡情投入，享受足球吧！！！
2009年4月13日 星期一 復活節
今日係我靚表姐大婚日子，祝你新婚快樂！
送上靚相給大家~
坐在門口的我，做了半晚的接洽，連男家都要做埋......但我樂意~
某一時段，只有我一個人做接洽....我咁聰明，當然難我唔到啦~
我跟我老爸，可愛嗎？
這個籠係由我美國表哥代訂回香港，靚嗎？？？
門口位
兩個花女，我另一表姐的寶貝女
細妹。
家姐。
搵到時間即刻合照
靚表姐的老公---俊傑。
靚表姐媽咪~
