2009年6月19-20日 澳門兩日一夜遊 總統酒店
今天的我，個心還是到賭場去......
今日我們由尖沙咀坐12點鐘船到澳門，一個鐘頭話咁快就過.....
首次，我地去找返架酒店車，人地架架都廿幾坐位，點知..我地果架只係van仔，真係0 曬嘴。
放低行李之後，當然找野食啦，我地今次主要目的都係賭賭賭，觀光，上次已經看過曬.....
今次去過好多間賭場見識下，永利、MGM、威利斯人、16蒲、新葡京、金沙...今次輸左好多錢呀，至少3000蚊...只係玩大細，我地有一次仲夠膽死買500蚊一鋪，真係傻左，oooo...不過出得去玩，無所謂啦！最終走前係金沙靠老虎機用$20贏返$550蚊返黎，都係要輸成3000蚊....
酒店方便︰不過不失，訓得唔舒服
酒店連船票來回︰$1150左右...係油麻地旅遊買(沙田)
訂左12點船去、20號晚19︰30回程
今次完全冇plan過任何野，都係去到邊食到邊、玩到邊，真係好開心"您"帶比我既一切一切開心既回憶，真係好希望能夠同你結婚，一雙一對。
天公造美，真的要說聲謝謝。
今日早早返到球會準備物資，下午2︰30準備幫架開薘巴士扮靚靚。
準時三點出發，途經︰
大埔鄉事委員會--太和邨--大埔中心--富亨邨--大元村--富善邨--廣福邨--運頭塘邨--大埔墟(兩轉)--回至起點。
好累呢，今日帶左兩部相機出街..當中有d相係偷返黎..哈!!
分享一下當天既相給大家啦~
係陳漢威果度偷返黎的，我相信你都唔會介意啦~
2009年6月6日 星期六，一個極重要的日子。
足總盃決賽 vs 天水圍飛馬 15︰00 香港大球場
一如以往，大埔足球會搞左共21架旅遊巴...
當中工作過程真係真係好辛苦....但可以點呢??
和富大埔上左甲組今年已經係第三季，而阿傑係甲組已經係足足7、8年，時間真係唔算短！
今年可算好彩嗎?
阿傑休了足足半年，不斷問完又問醫生，一次唔得，再第二次、一直問落去....
醫生最終答應了..阿傑可以慢慢踢返，由最初15分鐘..加至最多45分鐘...真係好開心
雖然參與過程時間唔算長，但已經足夠有一個好好回憶。
新一季仲可以代表香港出戰亞協，真係發夢都估唔到！
繼續努力~
2009年5月31日 星期日 旺角大球場 vs 四海
今日趙俊傑63分鐘已經換出場，入替興仔，內心其實真係好高興及擔心~
最終以1︰0贏出，晉身入足總盃決賽，跟往年一樣。
我身坐龍門後面，zoom到300mm，其實已經足夠。
半場熱身
換出場啦~
果時仲係63分鐘
最開心、最值得慶祝就係再一次入足總盃~
今日大埔既fans，真係好多謝你地打氣。
