用心去做的一件事

2009-12-27 星期日

今天全日時間沒有出街，著住睡衣....好舒服....

今年沒有特別準備任何禮物送給你，特意為你重新整blog版面....

希望你鍾意!!

ccs語法真係好難...好多時都不明白....

真的足足花了一整天的時間去整....

全日沒有離開過部電腦....

只想你開心、快樂!!

五週年快樂

嘩嘩嘩!!!今日係2009年12月26日 星期六 

高聲地叫︰五週年啦!!!

早上約你食午飯，你叫我唔好出黎住，等我打比你先出門口???

我咁聰明，一定知道有D野啦!!

哈!!

中了!!!

花花花花花~~~我最喜愛的花花花!!!

今天沒有特別的節目安排，因為早左10月中的高級銀牌賽八強安排在今天舉行，好在下午2時開波，晚上還可以逛一逛!!!

今天是你鼻骨手術後第一次上陣，雖然是後備入替，但你的表現好好..請不要放棄你的足球事業!!繼續一起向前走吧!!

今天的比賽好緊張，好耐都無試過啦!!加時至120分鐘!!!最後最後都.....輸了!!!

比賽後，跟來強兩公婆一起到KFC食飯.....之後我們就過尖沙咀行街...再食飯!!!

尖沙咀好多人呀，紮花又很重很重!!!

沒有太多的心機走走!!

多謝你一直給我的付出，我會一生一世愛著你、跟著你走!!!

謝謝!!趙俊傑!!

鬼面罩

2009年12月18日 星期五  威爾斯醫院

今日請假了，專登陪趙俊傑到醫院整鬼面罩.....

我準時9點已經到達醫院...你呢????

你好唔好意思呀???

原來鬼面罩要花足一整天時間去整...

早上先倒膜....過程算快!!

之後我地在醫院入食早餐......仲見到Billy So...so good~

回大圍休一休不夠兩小時...又再出門口....

兩點準時回到醫院...

膜..已經整好了...

今次是剪返阿傑臉整.....

這個步驟非常之花時間....

整個面罩造好了，已經正正5點....

還未吃午飯...餓暈了!!!

SHIT~~

而家整了保護罩...總算安心一點了!!

手術天，亦都是我最亂的一天

2009年12月14日 星期一  那打素醫院

準時11點30分到達醫院，準備好見醫生..聽聽今天的安排....

約見後，手術將安排午飯後開始....

1點30分辦理入院手續...

由護士帶到病房去....

換過手術衣服....安坐靜待...

兩點左右護士叫名了....所有做手術的人全進去另一地方....

我安坐出面等待...

這個手術只有鼻部分會麻醉..手術時間約15分鐘完成...需帶備他過往的一張照片~

原來他是第一個病人做的，但是最後一位才走....

眼見親戚一個一個接走了親人，為何你還未可以???

4點半左右，你終於出黎....還非常精神...

原來你已經在入面坐左個多小時先出黎，原因..因為鼻升未止....

手續完成後，付過錢....安心回宿舍..休息一下吧!!!

但...

可怕的夢正式開始..............

5點左右回宿舍後，由5點20分，你開始流鼻血....我一直替你計時間...

護士給我一封信，如回家有任何問題，立即帶他回急証室....

你足足流了一小時，從沒有停過，我真的真的很怕你會出事....

當中的時間，你還吐了二、三次血出黎，部電腦......心照了!!

諗都唔好再諗，叫「門仔」車返我地去醫院止血.....

去到醫院，你的鼻血越黎越多...我個人真係亂曬...又跌野....我好亂...好想喊....

害怕你會這樣死去.....

你的鼻血好似開了水喉一樣....好勁好勁...兩卷紙巾都不夠....

我這一世....這一世一定一定不會忘記.....

醫生還說︰你d鼻血咁勁，要送你出「威爾斯」....聽到個刻..整個人都軟曬...

立即打給你的媽媽通知她來....

好彩.....耳鼻喉科還有醫生未放工，他即刻幫你塞左一條白色長長的硬物到你的鼻內....我親眼看到....真的真的想暈....好可怕....但我唔可以喊嫁....因為怕失禮....

你終於終於止到鼻血...醫生用儀器幫你洗鼻...見到你又心痛...你又痛苦....

鼻血不斷倒流入口喉內...令你辛苦之極....鼻孔又大大舊血塊走出黎.....

醫生解釋︰可能因為手術其間，移鼻骨的時候，郁到鼻膜引致流鼻血....!!!!

上到病房....代你答護士一些你日常生活的問題.....

安定了....你個怪物開始叫肚餓啦....

走落地下買了麵包、兩支水給你....再加一個飯盒.....

但你而家所以的食物必須凍食.....緊記緊記....

p.s.  你手術後，好自然跟護士說「再見」，但你好快就話應該說「拜拜」，護直還笑說︰「再見」...因為你要回來覆診.....

估不到真的咁快又會再見面!!!

我8點半左右回家了，整個晚上都不能睡...不斷不斷想起今天的情景....眼角自自然然流出眼淚..不知什麼時間睡著了!!但睡下醒下，看看你或醫院有沒有打過來....當然幸好是沒有的!!!

 

 

又傷

記低這一天︰2009年12月8日 星期二   友賽非洲球員

趙俊傑又傷....

今次傷咩??

....

...

鼻.....

晚上我已經回家了，食了飯，沖過涼....mask當中...

差不多9點左右收到張sir電話.....

對話︰阿傑又整親，你方唔方便去醫院睇下佢點情況....

果刻....反應比較慢...唔知道答咩好.....

"拿拿聲"換衫，飲藥，走人...

點知，我仲早過阿傑上到醫院..真出奇!!

去到醫院見到全身都好多血...亦第一次見到"他"流出這麼多的血....

替他換上乾淨的衫，鼻血又在流過....連忙搵護士拎紙巾.....

照過 x光 ，證實鼻骨斷了....安排後日回醫院再約醫生...

回宿舍再換過衫，鼻血又再流.....

「天呀」!!!!....

但運動員都好處可算是優先...第二天早上打比Dr.容(骨科)告知情況一、二

在12點半前到達那打素見耳鼻喉專科醫生....安排星期一(14號)11點半入院做手術.....

到底黑運什麼時候才會走??

愉景灣

2009年12月5日 星期六  出發愉景灣

好耐已經沒有過去~~

所以早一個星期已經plan好了....

寧靜的環境、花的香氣、鳥的聲音...遠離了城市當中...

特別舒服的感覺!!

一點準時收工走人...慢慢到尖沙咀坐船到中環...又轉船入愉景灣....都幾遠下!!

慢慢周圍行....之後我坐巴士落東涌了，去邊??

當然是outlet啦~~阿傑終於肯花錢買了兩個衫....多謝...多謝

是日晚飯選了意粉屋...正丫!!!

足可圓夢作者訪問「當中提及趙俊傑過往(4'45)」