求婚啦!!!!

 

 

2011年12月26日 星期一

永遠永遠都會記住這一刻....7周年

有很多估不到、意想不到.....

當天，如常工作....一早book好了灣仔Le Cafe buffet....

你...如常接我收工，一齊搭地鐵過灣仔....

Feel到少少奇怪，就係你不斷望錶...

我仲問︰你好趕咩??岩岩好，7︰30pm去到...冇遲丫....

佢仲話︰唔係，慣左望錶姐(地鐵行去酒店，至少望左2-3次)....哈哈!!!!

去到，無特別，拎野食...

一直食...食...食...

2小時內，佢肚痛左3次(佢whatsapp我臭臭中)...p.s.唔關人地食物事...

好笑︰就係見到一位球迷打卡又係li間酒店wor...

我同阿傑講，佢都比唔到反應我!!

之後9︰30pm，我就話走啦，你唔舒服(本身係病病地)....

佢又話︰坐一陣，叫人比杯暖水...

ok...又坐....

之後我又發現d奇怪野，我問︰buffet仲有第二輪咩??執野、擺返好d位係正常(唔正常就係職員放埋杯水...我心諗，唔係放到聽朝，等人落黎食早餐丫)...

又話去埋廁所走，ok...我去先..

之後又到佢去?????

當我一個人坐既時間，玩緊iphone...驚喜來了....

攝影師、拍照的人先出來....

一位一位朋友送上紫色玫瑰，我不斷笑說，點解你係到架??你唔係bbq咩??你頭先打卡唔係食緊飯咩??

一位一位朋友送上祝福說話︰嫁得過、7周年快樂、開心啦??恭喜曬等等說話...

我只知道自己笑過不停...22位朋友送上玫瑰....

最後，當然男主角出場，送上99支玫瑰....

身邊的人，個個都大叫嫁比佢呀!!!!

當然，嫁啦!!哈哈!!

帶上介子後，我們多了一份承諾！

郭太一早準備好cookie，讓我們即刻派餅~~

之後阿傑安排三文治給各朋友茶點...

最後，來一個大合照，數一數，出席朋友有28人呀!!!

有你們見証，我真係真係好開心呀!!!

就是這樣，準備好2013年吧~~

事後傾回，原來佢鬼鬼馬馬準備左一個月啦，聯絡朋友出席、安排好友拍攝、錄影、whatsapp佢地、搵朋友幫手拎花做好準備等...

提朋友係大堂等候中，安靜一點，唔好周圍走....

趙俊傑，以後錫曬你呀!!!







多謝Sccoer Wave及好友道士

山頂輕鬆遊

2011年12月17日 星期六

一早已說好要遊山頂，但星期六很多時候要比賽...
所以一直只是說，沒有任何行動~

星期六放工後，等埋阿傑就出發la~
下午都算多人呀，纜車都要等三架先上到!!
上到去，當然搵野食啦，我地兩個餓到暈呀~
哈哈！

今天目標是係舒服、享受、hea足一日~~
我們，做到了！

我很喜歡這張相，你呢?

專登到山頂寄信，點解?
因為由....山頂郵出的信，有一個特別「印」架！
各位朋友，不妨一寄~

HAPPY BIRTHDAY OF MY 25~~

嘩嘩嘩，姜小姐不知不覺25歲生日LA~

今年沒有一如以往去R66餐廳慶祝，因為裝修成年都未裝修完，想點!!=.=

所以阿傑今年安排了一班好友跟我齊齊慶祝~~

我選了....牛陣打邊爐呀!!!

HEHE~~

不過，最最最估唔到有個傻佬走去學人整蛋糕~~

好唔好味就......都OK既~~~不過你既心意加加加加加加夠曬la~~

趙俊傑，有你的出現，令我差唔多7年，都係天天如是，這樣開心~

多謝你花時間、心機、精神去學整cake~

i love u~

賽後報導 @ HKFA

Copy @HKFA


今天(10月29日)在屯門鄧肇堅運動場舉行的康寶高級組銀牌半準決賽首回合賽事，主場的屯門憑後備入替的周綽豐在比賽尾段主射自由球破網以2:2逼和公民。今天的入場人數為931，購票人數為864，門券收入港幣$12,890元正。 

屯門在開賽11分鐘一次角球攻勢由賓曹在混戰中近射得手先開記錄領先1:0。及後公民開始反攻，25分鐘中村佑人引球至禁區頂起左腳施射斜出。31分鐘保連奴接應隊友傳中控定後掛射未能命中目標。43分鐘後上助攻的趙俊傑接應沈國強的頭槌二傳窄角度抽射僅僅高出，半場屯門領先1:0。

下半場公民迅即作出調動並繼續向屯門施壓，16分鐘中村佑人接應後備入替的迪天奴二傳頭槌攻門被域奇救出。23分鐘屯門反攻，凌琮禁區頂右腳抽射被謝德謙救出。29分鐘公民憑一次自由球攻勢由艾里奧頭鎚攻門破網追成1:1平手。40分鐘迪天奴禁區右路位置起右腳抽射雖然被域奇擋出，但1分鐘後保連奴接應迪天奴右路傳中頭搥破網為公民在比賽尾段反超前至2:1。補時階段屯門在禁區邊位置得到一個自由球，後備入替的周綽豐主射彎過人牆死角入網為球隊追成2:2平手完場。



趙俊傑，Good Try，希望正如你FB所說，一直精神至退休，永不言敗!!!不要給任何人動搖自己信心！

28歲 生日快樂

趙生︰

生日快樂呀，今日專登早起陪你練波...(好彩今日練一課咋)..感謝!!!

坐坐下，諗諗下，不如打去海洋公園問下壽星仔正日生日是否免費??

一問之下︰是...壽星仔同行可帶同一位朋友，可獲半價優惠(原價$280)...

Good~~練完即去，去到買飛後，還送一些coupon，e.g.食物優惠、曬相片優惠等!!!!

平日，同胞們一樣多人，omg~打尖者如是多人，真討厭呀!!!

食下、hea下，時間過得好快，我地一個機動遊戲都冇玩，hehe~~

最重要行下新開既海洋館....感覺沒有以前的好!!!dont like~

行到6︰00左右就閃la，夜晚約左好友dinner，回大埔，荷曄庭，席間上，還見到張學明、同前大埔潘專員(好開心潘專員還記得我姓咩)~~開心呢~~

其實一直都有諗過成班人食飯，但又諗唔到點搞，阿傑又想二人世界，咁...算la....今年~~

洗手後，可以摸海星~

很鍾意這張相，但阿傑係都要人坐佢雙腳上面!!!=.=

張相點解會唔「正」，係因為部相機想跌既時候，影了~~

我最鍾意去海洋公園比錢玩，玩了$100戰績，但左手邊果隻，阿傑係「茅茅地」咁win，佢隻手同直接放落去，係冇分別，唔通高人係有好處??

今年送給阿傑一張生日卡算了，因為阿傑屋企而家放唔落la~~~

最後想講，生日快樂呀，終於今年前路係未知之數，不過唔好放棄，放棄的話，前十年的時間就白白咁過，一心踢好足球，直至收山為止！加油呀!

FIFA 12 記者會 @黃大仙

2011年9月26日 星期一 FIFA 12

出席除了公民球員外，還有大埔及屯門球員，最重要就係一眾打氣BABY，熱鬧非常~

blog banner

迪士尼遊

2011年9月13日 天晴

得到好友送上兩張迪士尼門票，到期日為9月14日，當然「甲」岩時間唔好曬la~

上網check過門票，發覺貴得驚人，我作為普遍一位香港人，$350 per one，我一定唔會去~~太貴了~~

等阿傑練完一課波後，出發，入到園內已差不多三點，lunch都放棄了~~

好彩，紅日假都唔算多人，唔算太多國內同胞，算係咁囉~~

今次試玩了d新game，什麼什麼馳車，阿傑揸到令我心跳加快了，哈哈!!不斷叫佢慢d慢d....停~~哈哈！

今次再睇埋一d之前未睇過既show，直頭完美呀!!

原來坐船探險果個game，夜晚坐氣氛一流，四周都好黑，好正！

我們晚上在園內dinner，睇埋煙火，買了少手信，就閃了!!!

今晚，我很開心~感謝！

第一件情侶裝

終於買到我們的第一件情侶裝，由於大減價中，買兩件再額外九折，所以好多地方斷色、斷size、無貨等等因素，令我去左好多地方先買得到，可說得來不易，大埔、沙田、旺角、荃灣、葵芳，誇張嗎??

希望你喜歡啦！

公民集訓

22-08-2011至03-09-2011  集訓，加拿大

你從未去過咁遠集訓嫁，你就好la~

今日一早就約你食早餐，之後快快回家幫你執行李！
一執，就執左1.5 hr.....
點解咁耐??

咪因為趙生執下衫，未執完衫，就執第二樣，未完第二樣，佢諗起第三樣又執....
如是者，執完要佢check幾次，先可以落喼！
落左喼，佢又拎返d野出黎！


執執下，就lunch lu~

lunch之後，就整埋d名牌，方便各球員認大家的行李！
之後3︰40分左右，出發至沙田搭機場巴士！

而我，飛甩你，去左行街la~
總之，萬事小心！
平安回港！

離開南華 加盟公民(2011-2012年度)

轉眼間，就在南華一年了！！

自知出場機會不多，也要為自己打打算！

所以決定離開南華，選擇了加盟公民這支足球隊！

趙俊傑，你要加油呀，坐了大半球季，好好把握時間，追回自己理想！

第一場友賽 vs 大埔

自從離開球會後，很久也沒有試過乾曬幾小時....

今日終於領教過，11︰30a.m.到達跑馬地球場...

今早，我亦追隨阿傑一起到達，真係好熱好熱...

一直曬..曬...曬...曬足三小時多.....

中暑了，現在一路打blog，一路都好辛苦，最想就係「嘔」！！！

這張相影得很滿意