意見一問

各位準備結婚 / 已結既朋友，想問下你們當天利是應多少???

希望各位可以比d意見我~~

1.化妝師??
2.攝錄師??
3.姊妹 / 兄弟??
4.酒樓經理??
5.酒樓上菜職員??
6.當天司機大哥
7.律師??


還有還有，係唔係全部都比雙封??

脂肪瘤

早一個post講過，抽血既姑娘話(左手)有多正常....

心思思第二日睇普通西醫(有內外科)，我問醫生︰到底係有野、定真係無野呀??

答案係︰有野...

再問︰係咩野???

脂肪瘤......

醫生解釋︰脂肪瘤好多人都有，睇下你生咩地方，亦唔關高矮肥瘦事...

脂肪瘤....有一層脂肪自己走埋一齊，變左一舊野...

醫生話係良性，無咩影響！唔洗擔心！

聽完醫生建議，仲無收我錢~~遇上一位好醫生，慢慢講解！

但經媽咪一講，如果有得做手術，當然做左佢啦，話就話良性，但日後變得點，冇人知道！因為現今太多基因既病變例子！

媽咪話︰如果萬一你真係咁唔好彩中果個點算??

所以，今早一返公司，就打去「那打素社區中心」book時間，比多個醫生再check check是與否！排到10月6日 上午時段

姑娘好好，話安排一位肯做這類小手術醫生比我，如果醫生唔肯做(安全問題，始終係診所)，起碼拎到轉介信去醫院門診，再排期ma~~

希望抽血姑娘、同醫生眼光睇錯啦~~haha~~

祝好運！

11/9 @美邦婚前檢查

早前係ESD買左$1200@2人既美邦婚前檢查，另送$100 百佳現金券

簡美邦原因︰平、近公司，同埋買個安心！食飯時，過左去都唔多覺！hehe~~

剛星期六打去預約，約左今天下午3︰00 作檢查！

因工作關係，早左上去，填好form，就等叫名~~

1.留小便
2.上磅、度高
3.抽血 - 我既血唔Q知點解咁「杰」，唔出血，留針成分鐘都抽唔出一支，抽到姑娘企起身抽，都抽唔到，佢一企，郁一郁，痛！
4入房檢查胸部、盤骨、淋巴

我地仲傻傻下，坐到等，都唔知等咩，又冇人叫我地走！第一次問，又話走得會有人叫你！
再坐，坐左成8-9個字，男友再問姑娘，其實我地等緊咩??姑娘一CHECK，就話你地已經做曬啦，走得嫁啦！

咁...我坐左咁耐，真係白坐囉！

我由2︰30一直到走，D客人真係未停過，超超超好生意！好多外傭做入職前檢查！

不過咁既價錢，算啦！

我選擇了電話聽結果！yeah~~done，希望結果會GOOD LA~.

KO第二套男禮

2012-09-08 星期六 @大埔 摩登婚紗

其實一直有諗過租 / 造，但遲遲都未決定到！

之前係顯卓試過一套，個款當然唔多OK啦！

早前俏佳人又再試過，可能阿傑高，件件都係衫身短 或者 手「就」位超短....真係冇一件係岩身！

再加上，租一套西裝都過千...

所以決定造一套吧~~唔講款，至少岩身先啦!!

住大埔N年之久，一直知道有一間店鋪叫「摩登」，但從未入過去~~

早一星期，專登同媽咪過去睇下環境~~

首先，店內掛滿已經造好既西裝，不同款式，長、短、燕尾、黑灰銀白，正路既色都有掛曬係到 

我建議︰店內有一位年青男，你可以叫他介紹顏色比你，例如你心目中想造灰色，但灰色都有N咁多種，可以利用他的眼光作比對...可能心理作用，始終大家後生，眼光都差不多吧~~起碼唔會介紹D老餅顏色！

建議係射燈底下選好色...之後職員會叫另一中年男職員為你度身~~

這職員非常好傾，店內有幾位客人等緊他度身，但過程中真係一對一，他會先給你一些款試長度、衫身(收唔收腰，一下一下咁試比你睇效果)，過程完全冇吹過你，因為始終靠想像，所以試完款一、款二，再試返款一，都無黑面！仲會不斷提點你意見，我們亦都樂意接納！他們有經驗，會知道出黎效果好唔好睇！

另，建議，每個位置唔好造得太修身(如果到時有咩問題，未必改到)...所以師傅度身既時候，都輕輕放少許(什麼3/4)，未係最最最FIT身！萬一造起了，出意外，都可以加多減少！這重點係師傳提我們的！因為有新郎要求上身、下身都要修修修..連腰都要修修修！因為西裝「紙口位」唔會好多(要放都係得少許放)

Total︰燕尾價錢$1698(我們另加了$100要背心、包TIE、袋巾)

這間店真心推介比各位BLOG友~~

YEAH~~我們又KO一件事，等一個月左右再去試！

後記笑話︰店內放了一些型男相片，在店內先自己睇大約款式，之後職員問我地有冇咩心水款鍾意，我地一齊答︰要「林峯」款，之後職員、其他客人都笑我們！職員直頭除埋「林峯」既A4 size海報落黎！過程真係太開心了！

2012-2013上陣紀錄

2012  - 2013年度 甲組聯賽紀錄

2012年09月01日      17︰30      公民 vs 屯門             0︰0        旺角大球場      74'後備入替

2012年09月06日      20︰00       傑志 vs 公民            3︰2      將軍澳運動場     67'後備入替 (90'黃牌)
  
2012年09月15日      17︰30       南華 vs 公民             2︰1      香港大球場         83'後備入替

2012年10月01日      14︰30      公民 vs 太陽飛馬      2︰1      旺角大球場         正選上陣 46'換出

2012年10月05日      20︰00     公民 vs 標準流浪       2︰3      旺角大球場         正選上陣

2012年10月23日      14︰30     公民 vs 橫濱FC





高級組銀牌紀錄

2012年09月22日     14︰30       標準流浪 vs 公民       1︰5    深水埗運動場    正選上陣

2012年10月10日     20︰00       公民 vs 標準流浪       4︰0    旺角大球場       正選上陣