遇過開心、失落、人生低潮，我們仍然在一起: 11月 2008

2008年11月19日星期三

Soccer wave - VOL.170

2008年11月12日星期三 Soccer wave

今期有阿傑出院後專訪，估唔到最多上報機會係受傷期間！

阿姜無心肝

睇返一個鐘頭前打果篇Blog「無條件付出」---點解成篇野都無提出心肝寶貝趙俊傑嫁??死火啦，我仲要係沖完涼再睇返，先記得阿傑同一日覆診，但點解篇野提曬光仔一個~~Oh~~比阿傑鬧死我啦~~即係補鑊~

阿傑9︰35左右就上到黎那打素，我這個不孝的女朋友，去到醫院門口接佢，回頭時，光仔仲係到，未叫到佢個名，等等下，收到吉之島電話，兩支筆已經可以取，我即刻搭的士落去攞，Good~~好滿意~

之後即刻上返那打素，阿傑岩岩入左去見醫生，我當然自動入去啦~~哈哈~

醫生睇過阿傑傷口，埋得差不多~~可以拆線了~哈哈~~情況又再進一步了~~

之後等埋光仔做物理，一齊搭車返大埔墟食飯。

今日光仔再一次返去那打素覆診，這次帶了磁力共振底片給江醫生睇，我一上到去已經見到他了，而阿傑咁岩都係今天覆診，不過遲一小時，約了上午10︰00。光仔等了大半小時，到佢入去見醫生啦，我???當然死跟啦~哈哈~~留底左阿傑一個係出面等，Dr.江睇過底片、報告後，証實前十字靭帶斷左，跟阿傑一樣，但比阿傑好少少，他沒有撕裂。醫生安排了12月24日做手術，我相信這個"平安夜"一定好平安、因為這個手術一定一定無事！！還有你的家人、好友以及我這個無名人一直會陪著你。等候你帶一個好消息給我們！

估唔到生日過左咁多日，仲可以收到 '你' 的生日禮物及這張卡，你的說話令到我好感動、好開心，卡內寫滿了很多說話，有一種很暖的感覺，多謝你丫..光仔..

我答應過你的事，我一定會實行，只要你用得著我這個無聊人，請便！！因為這是我工作的一部份。只不過對 "你" 及阿傑特別著緊。

唔好擔心咁多野啦，目前要令隻腳盡快退腫，其他的事，手術後再作打算。

這張卡真係好靚丫~估唔到過左廿日都仲收到禮物，抵我為你咁賣命。

2008年11月16日星期日

苦悶的一天

今日準時收工，無無聊聊過海行銅鑼灣，去到九龍塘定旺角，見到阿遠，雖然極大可能佢唔知道我叫咩名，但至少記得我係阿傑既女朋友，好彩好彩，如果唔係既話，真係"魚"到冇人有。大家傾左幾句，話題離不開阿傑手術點呀、你地下場對邊隊呀。其實阿遠比我既感覺唔錯，應該都幾好人，拜拜阿遠先生~

太耐太耐冇行過街啦，今次都係想周圍睇下Boots d款，還是未找到心水。

原來一個人行街，仲要o係cwb真係幾灰，熱鬧城市當中，好似只有我這個陌路人，一雙一對、一家大小、成班朋友...而家...唉~~快快行完算數。

之後過左大圍睇下隻野乖唔乖，算ok啦~所以買左幾杯佢既至愛，便利點既阿姐仲要話，一杯$6.9定$7.9，我反問︰有咩問題呀?我心諗，無錢比咩！！因為平時超市通常都係11個幾3杯。我懶，唔想排隊！！

今晚食pizza，其實我一d興趣都冇。呵呵~又當keep fit啦~

之後8點半走，不死心，過左沙田再行過~

買左少少野送比光仔~希望你鍾意啦~

其實而家..我好肚餓呀！救命！

2008年11月14日星期五

趙俊傑出院後首次洗傷口

2008年11月13日星期四

今日阿傑準時九點返威爾斯醫院做物理治療，因為我要工作既關係，所以這個重任落入傑媽手中，阿傑現在行路安穩很多了，但安全要緊，因為十字帶要六星期才生得穩定，物理約半小時就搞點。

之後阿傑順手洗一洗傷口，比較大的傷口還有少許血水，而"菠蘿蓋"的位置傷口已經好得七七八八，實在太好啦~

而我，今日就陪光仔返那打素做物理(近我ma)，佢隻腳仲好腫，祝佢好運！

"你"的一句話

"你"的一句話，令我覺得有點吃力不討好，所以內心..真係有點灰，所以，決定...你唔再開口，我亦都唔會再為你做咁多野。

2008年11月13日星期四

最遲收到的生日禮物

光仔送給我的生日禮物，張卡寫左好多說話，多謝你！！

2008年11月11日星期二

4小隻貓BB

較早前宿舍的傻貓生左4隻貓BB，最近貓貓開始長大了，一時時走出黎活動，好可愛嫁，送上一些相比大家睇呀~約一個月大咋~

它們可愛嗎?

2008年11月9日祝我22歲生日快樂

今年生日，跟往幾年不一樣，早上飲完茶之後(屋企人完全忘記左我生日)，過左又一城Estee Lauder拎生日禮物，自己行左一陣，就去阿傑度，全日....係全日留左係佢屋企，陪佢散步運動、按摩(因為佢隻腳一定Keep住要直，唔可以曲，所以隻腳不斷抽筋)，其實生日心情應該係好好、好靚至真。不過，最近一兩個月內發生得太多事，令到我好似唔識面對，有點辛苦。

夜晚，佢媽咪煮飯，仲買左我的最愛---燒鵝(太興，但冇咩肉食)，約十點左右就切生日蛋糕，我今年有兩個生日蛋糕都係阿傑媽咪買的，謝謝。

今日收到好多sms、facebook message，多謝各位好友仲記得我Li個人生日。Love You~

今年收到第一個message係光仔，係唔係好出奇點解唔係趙俊傑呢??其實他有send比我嫁，不過係11月8日11︰44收到，哈哈..我仲未生日，所以唔算。蕃薯傑~~keke

芒果蛋糕

難得的合照

阿傑腳傷，仲為我親手點上"立"燭

小矮人，因為就返阿傑，唔洗佢又企起身影~

自拍，點丫~

我太叻了，如果係阿傑影，可能無左大大半~

Li張相阿傑個樣好得意~

雖然這個生日平淡而過，但我已經滿足了，一個願望送比阿傑、另一個願望送比光仔。

陪伴光仔..真的真的肉痛

今日下午二時約左那打素張醫生見光仔，我上去順手送張多謝卡比張醫生，我一落的士，已經見到光仔岩岩落的士，佢爸爸車佢黎。之後慢慢行入診証室等張醫生，光仔仲話唔洗人陪...最終.....個結果.....

張醫生同江醫生初步診斷光仔真係同阿傑一樣，真係心到痛埋，痛既原因︰阿傑傷左兩個多月，而家又到光仔，肉到痛呀！！光仔隻腳真係好腫，痛到佢....唉.....心又痛、肉又痛。想死！！！

之後姑娘教我問出面借輪椅，辦好手續後，先到X光部照，再之後到二樓既義枝部(整腳架)及物理治療部(約日期)，哈哈，如果唔陪光仔，佢行..我諗要成七點先搞點丫，去東又去西，我地搞點走得既時間已經係五點三十分。慢慢陪佢行返出去，陪光仔Call的士後，送佢上車，之後我就返球會。

p.s. 記住呀，真正既朋友不會計較咁多野，出自真心，不問回報！

張卡我買的，係又一城Log-on，好靚呀！

手術後來一個對比

來一個手術前、後對比

手術前，肌肉非常勁

手術後，肌肉開始失蹤~

手術後傷口

2008年11月9日星期日

心痛光仔

今日比賽阿傑在家休養，不宜走動太多！所以我不斷打電話跟他報告。

今日光仔比賽時唔小心整傷，初步結果跟阿傑一樣，我個心好痛、好難過，知道你哭，連阿佳都為你而傷心，我會盡自己最大努力幫助他，希望你真的沒有事。

今晚心情非常差，不用多說！

p.s.點解球場咁大，偏偏又要跟你一起？？？討死厭~

2008年11月8日星期六

11月7日--趙俊傑出院，可以返屋企啦~

住過兩晚醫院，趙俊傑今日終於可以返屋企好好休養，差不多下午三時接到阿傑既電話，我即刻執好野，飛的士上那打素接佢出院，在病房內執好物品，到繳費處交$350，再到取藥處取止痛藥，好好彩，有一位熱心家長車我地出沙田威爾斯排期做物理治療，還送上禮物給阿傑，真的謝謝，你們有心！！

去到物理治療登記，已經係5點05分，時間真係岩岩好，原因阿傑真的慢動作行，仲要比佢鬧鬼我，激死我，又話我唔幫佢行快d登記(大佬呀，我可以幫你登記先得嫁，人地問拎身份証呀，咁我係唔係比我果張佢呀，真係激死)，我自己又"咩"住一個大袋，又拎住一個環保袋入住佢係醫院既物品(當中有一支大既利賓納未開、有一書三冊雜誌(我已經話唔拎，佢又話未睇過..拎拎拎)，仲要拎住大大張14張既磁力共振底片，要我拎曬已經唔係問題，因為你有傷、有病，我好應該照顧你，但你都唔好當我係阿四啦，為左你，去東去西，我已經病左，真係比你激死我啦！！！！

搞點曬之後，就坐的士返大圍Lu，我坐車頭，拎住幾袋野再加兩支拐杖，阿傑腳傷，連隻手都懶得拎野，佢每一次上落車，我都要"櫃"係地下抬佢隻腳，因為現在不能曲腳，所以出入真的麻煩。

第一次見，跟現在，感覺相差很遠。

等18號回醫院拆線。希望佢傷口靚啦~

p.s. 趙俊傑加油呀，很多人支持你架，好希望你遲d復出，令人眼前一亮！！

2008年11月7日星期五

11月6日--手術後第二日學行路，好多人探望趙俊傑，多謝你地呀！

今日返工執好所有手尾後，哈..又閃人了。過左大埔中心幫手派一陣單張(其實主要目的...就係要幫趙先生買大航海點數卡...佢緊張'它'多過緊張我..佢怕返屋企悶..又唔可以周圍去wor)....之後join左成班，當中包括︰威仔、阿智、光仔、阿佳、阿冼、小毛、門仔、阿禮、阿灝一齊探阿傑，拍好車後，一行十人上去，個感覺好似探大佬一樣，哈哈~~一行十人直接入病房，d護士都怕怕我地，叫我地分批入黎，哈，最估唔到阿傑可以落地行，原來今朝照過X光後，中午去左見物理治療醫生，今日要學行路。我見到他，算成功吧！！！

講返琴日，佢嘔出黎的是綠色物體，我相信是麻醉藥有關的，去到半夜，傷口非常痛，痛到佢訓唔到，心痛！！！！

我今日帶了航姐煲的愛心湯水「蕃茄薯仔紅蔔白」，阿傑飲曬..yeah~~飲d湯水，對身體又好d，我仲買左黑提子(唔係咁好食..不過上網check過，提子中，'它'是最有益)

今日探阿傑既人特別多︰阿智、阿佳、小毛、威仔、光仔、阿冼、門仔、阿灝、阿禮、李淮僖及李太、陳太、其哥、其嫂、張SIR、當然唔少得我及阿傑媽咪啦~共17個人丫，好勁呀~

送上球員們探病相︰

著整齊衫，好型呀~

精神好好~

隻腳好似包左好多野Wor~

希望是唯一在醫院內合照

張相感覺...阿傑好似高左好多~

學行路當中....終於明白到咩叫一步一艱難，有相你睇~

2008年11月6日星期四

手術後第二日--照x光

早上約9︰45，接過阿傑電話，護士正推佢落去照X光，希望這個手術可以吧！！探望完再匯報給大家。

趙俊傑手術完成、嘔

今日2008年11月5日，星期三，天晴，有點風！！

準時上午7︰00入院，換好病人衫之後，就坐係病房門外等候，其間醫生幫佢左腳再劃多一個符號，告訴他今天是第二位會做手術，9點半左右開始換上手術'抱'，即係話..手術快要做了，替無事的腳穿上一隻襪，帶過手術帽，助護開始推落手術室，9點35分進去了，做過簡單對答後，打針....開始慢慢沒有知覺，想像到非常可怕，醫生話阿傑太過緊張，血管不斷收縮，打唔到針，約9點40分已經不見了阿傑終影，證明手術開始了。

等等等，唔知要等幾耐，又餓、又唔夠膽走開，又想去尿尿..又唔咁行開，慘了。

12點55分，他終於從手術室出來了，但我相信他太累，沒有開眼..一直睡覺。所以不打擾，我問護士，他現在醒過來、還是麻醉當中要一直等清醒??是醒過來的。

我在病房門外一直坐到5點30分，才是探病時間。