11月7日--趙俊傑出院，可以返屋企啦~

住過兩晚醫院，趙俊傑今日終於可以返屋企好好休養，差不多下午三時接到阿傑既電話，我即刻執好野，飛的士上那打素接佢出院，在病房內執好物品，到繳費處交$350，再到取藥處取止痛藥，好好彩，有一位熱心家長車我地出沙田威爾斯排期做物理治療，還送上禮物給阿傑，真的謝謝，你們有心！！

去到物理治療登記，已經係5點05分，時間真係岩岩好，原因阿傑真的慢動作行，仲要比佢鬧鬼我，激死我，又話我唔幫佢行快d登記(大佬呀，我可以幫你登記先得嫁，人地問拎身份証呀，咁我係唔係比我果張佢呀，真係激死)，我自己又"咩"住一個大袋，又拎住一個環保袋入住佢係醫院既物品(當中有一支大既利賓納未開、有一書三冊雜誌(我已經話唔拎，佢又話未睇過..拎拎拎)，仲要拎住大大張14張既磁力共振底片，要我拎曬已經唔係問題，因為你有傷、有病，我好應該照顧你，但你都唔好當我係阿四啦，為左你，去東去西，我已經病左，真係比你激死我啦！！！！

搞點曬之後，就坐的士返大圍Lu，我坐車頭，拎住幾袋野再加兩支拐杖，阿傑腳傷，連隻手都懶得拎野，佢每一次上落車，我都要"櫃"係地下抬佢隻腳，因為現在不能曲腳，所以出入真的麻煩。

第一次見，跟現在，感覺相差很遠。

等18號回醫院拆線。希望佢傷口靚啦~

p.s. 趙俊傑加油呀，很多人支持你架，好希望你遲d復出，令人眼前一亮！！