2012年8月24日 星期五
試兩位媽媽衫@俏佳人
早前男友媽咪行尖沙咀婚紗街睇媽媽衫...
看中了2-3款...
相約好時間一齊去睇...24/8收工後，即坐地鐵去長沙灣既工業大廈睇(尖沙咀搬鋪)
7︰00 準時到達，原來男友媽咪約6︰00 自己已試 =.=
所以，除左睇到佢簡左既款，係咩都睇唔到既~~
約好時間，我媽咪可以簡五件衫去試....
根據職員所講，他們店內「媽媽衫」既款式不多....
試完一輪後，hold起款式了....
期間，我一直不知價錢，聽男友說，2000蚊左右...
叫我不用理會價錢，因為佢媽咪鍾意~~~
碌一碌卡，回來說︰兩件媽媽衫，6千幾....
一聽，我直頭想暈低...
我媽咪聽到之後，不斷話好貴好貴，連我媽咪都覺得肉痛，她只想平平地，錫住我地銀包！
大家要記住，6000幾蚊係「租」既價錢，唔係買！！！
痴線...
我回家肉痛到靜靜哭了！
我大婚的衫連男禮，只不過係5000多...
兩套衫，收6000幾....
無言！
$6,xxx/2套真係好貴.
回覆刪除但唔好唔開心啦. 試下係另一方便諗. 奶奶養大你男友係用左好多個六千蚊, 依家你地結婚, 佢都係想靚d, 當日高興d.
你男友都係覺得係自已肯力許可之下, 又可以滿足媽咪至租咁貴既衫啫. 每個人都想自己家人高興, 依家可能你會好肉痛, 心痛, 但到結婚當日, 你地見到佢滿足既笑容就會覺得值得.
其實奶奶衫依一part 我都覺得好難搞, 男友同老爺都想奶奶造衫(我都唔知要幾錢, 男友預左三千衫嚟俾奶奶造衫), 我都覺得貴架, 但我唔方便出聲, 所以採取不理政策咋.
W0W 6千幾 W0W 真係好肉痛呢...
回覆刪除不過你男友好好吖.... 只要你媽咪鍾意就冇問題值得一讚 !
你未來 99 都好過份 wor
回覆刪除佢知唔知咁貴架, 真係要俾佢知你自己果 d 都唔捨得租咁貴
等佢覺得自己洗大咗同好過份!!
明白你的心情, 係我都會唔高興, 始終係人地阿媽
同男朋友呻都無用
Hello 準新娘子Keung,
回覆刪除恭喜你地先, 拍拖七年的日子真的不簡單, 能共偕連理的確皆大歡喜!!
我係Mifa綿花, 全職司儀, 每年大約接3,40場婚宴, 亦每年都會定下一些日子作婚宴司儀服務的特別優惠給有緣的新人.
名額每年只定有五對新人, 作為結緣吧~
唔知你和男友請左司儀未? 定或是請朋友做?
如未安排, 可考慮本人為你服務, 原價$4800, 現優惠半價$2500即可.
有興趣了解更多, 請留言給我~
謝! 並祝一切順利, 生活甜蜜
嘩~~~俏佳人食水好深~~~$6XXX可以租婚紗,褂,晚裝,禮服啦~~~
回覆刪除去金都租都唔洗咁貴~~~~
我以前問過一間$4XX有交易!!!
嘩~~~
回覆刪除俾我都肉赤啦....2套衫6千幾~
去度身訂造加釘晒石都得啦~~
勁認同...我都唔係好明..why d 媽咪衫咁貴..
回覆刪除可以貴過新娘同新郎的衫..
勁搶錢...
我搵左好耐a...平極都要1000元....
妳錫妳奶奶同媽媽,想佢地靚,算啦,只好安慰自己,當答謝些少佢地.
回覆刪除其實好似俏佳人,藏愛...etc0係婚紗街既衫真係d款式新潮d同details位多d,所以相對價錢就....
我唔捨得租衫要咁貴,所以先選顯卓,所以你肉痛係好理解的.