親親寶貝B

好耐冇Update過家中的bb啦~

靚女b & q

 

腳架好處又再現，估唔到set左自拍，部機紅色燈閃閃閃，吸引左兩隻貓望實...
第一幅真真正正全家幅，好開心呀~

好傻既b~

大肥b

2010年2月15日   年初二

今日早上跟爸爸媽媽到沙田飲茶~

下午我就到「趙家」拜年~

今日很冷、很冷~

唔洗問，我當然凍病了~

shit~

晚上跟他的婆婆食飯(荃灣)~

今天大b很溫馨坐在我大脾上..我當然唔會放過影相機會~

但同一動作hold得太耐，最終結果係點，我相信聰明的你，一定會估到~

而點解由小b叫到變大b，一睇相，你就會明白~

古古惑惑

2009年8月16日 星期日  地點︰阿傑之家

比大家估估下...玩一個小遊戲~

大家估下是什麼??

地下的塵??白色頭髮??

.....

....

...

..

.

答案就係.....

佢啦....還記得它嗎?

我叫小B丫~無錯，d毛差不多都係我一個人的!!

唔知玩唔玩得既呢?不如試試呢~

媽咪︰zxy....xyz......比人鬧，冇眼睇..

咁可以食嗎??不如又試一試味道~

這毛球裡面都係實的~~

兩隻貓整一整，就有咁多毛出左黎，得人驚呀!!

 

 

一則笑文

有一日，無無聊聊同阿傑談起家中的貓兒，佢無端端在笑??

我︰你笑咩野呀??

傑︰我諗起D好笑野...

我︰講黎聽下.....

傑︰咁你聽住啦wor....

我︰ok..準備好..你講啦!!!

傑︰不如我地養多一隻貓囉??

我︰點解呀???你屋企已經有二隻，夠啦，唔準再養呀!!

傑︰你諗下，如果一到開餐，叫阿B、阿Q過黎食野，分開叫好煩.....

我︰咁同養左一隻貓有咩關係呀???

傑︰如果養多一隻，咪可以一齊叫BBQ過黎食野囉!!蠢...

我︰這個時候，已經笑都唔知做緊咩了!!!哈哈!!

懶到無人有既「小B」

懶B真係懶B....

主人訓緊，「我」只好訓係主人肚皮上...唔好訓既！！

主人你幾時先起身呀??

小B而家坐得咁舒服既原因，係因為主人走開了，枕頭得手

識野~

好靚既小B~

阿Q已經剪短左D毛啦~

阿Q好聰明，每次知道影相..佢都會望實鏡頭~

最後....

大家覺唔覺得小B好既享受同懶到zzzzz

在家的肥B

2009年1月3日  晚上篇

為了1月4日 星期日方便早上教波，所以去完街街之後專登返阿傑屋企放低冇用既野，再令返第二日教波既野，返宿舍訓！！！

返到屋企，趙俊傑又話要同屋企D貓貓影相，又好，都未試過用新相機幫佢地影，試試先。

在家的大肥B..

永遠都唔鍾意人抱抱既傻Q~

趙俊傑得逞啦，拎左人部相機出黎~~激死~

10月5日...探小B

今日去左探望小B及傻Q，今日仲幫阿傑家中的電腦殺毒....所以今日隻眼好累...
今日仲學識左UPLOAD 音樂....去主頁就會聽到...今年阿傑生日食左三個生日蛋糕...真誇張！

難得可以跟小b合照(平時影相小b一定唔知望去邊...即係影唔到)

跟主人一齊訓

超靚的小B

低 B的傻Q

它的至愛...櫃頂..身手非常好...這個位置我相信小B一世都上唔到....
因為小B跳上籠頂都可以.....哈...大家估下啦~

無眼睇...入睡當中

小B最舒服的時候

小B已回家

21/8(四)小B已出院回家休息，已經可以慢慢食返東西，情況良好。希望家中的傻q..唔好傻傻下走去搞佢....

探病..小B

今日(20/8)，早上過球場睇四角賽，未到真正睇波日子，我已經覺得好熱啦~點算好??今日請左半日假，去左診所探小B，小B今日好累，小B見到阿傑，喵左幾聲，連眼睛都係開了少少，個心好痛..好唔開心..覺得對小B唔住..如果唔係阿傑大意，小B亦都唔洗捱一刀~~~我真係好難過....

小B動手術

今日(18/8)收到一個壞消息，小B兩日來都唔肯食野、飲水又嘔。目前只有擔心~到左夜晚，小B都係唔肯食野，傑媽夜晚就帶BB去睇獸醫，但睇唔出有D咩事，之後醫生建議照X光..$1680....反覆驗了幾次，結果還是一樣，腸內有"舊"野，但一定唔係硬物，醫生比兩條路簡，1.等死..  2.做手術。當然諗都唔洗諗，即做手術啦~~當晚十點左右開始做...我一直好驚，唔咁關電話，一路等好消息。差不多11點左右，小B手術成功，原來小B食左一條頭繩....仲要係好大條...點解會食得落嫁???小B丫~~結果用了$7000救返一命，雖然好貴，有點肉痛，不過我覺得整得...因為小B係我心愛既寵物。

探小B

今日(16/8)收工之後，就返左去阿傑屋企探探我隻寶貝，非常之可愛。但我今日第一次見到佢嘔，嘔左兩次，我見到佢好辛苦，真係心到痛~

傻Q..大家覺得佢似唔似一隻貓呢??

佢好叻..好鍾意影相~自動望鏡頭

小b

我鍾意食、玩、訓。

只有三個月多之小b，已經肥肥白白

 

爸爸抱抱(小b係睇緊爸爸打機嫁)

 

玩到累啦~

 

當你睇電視的時候，永遠有舊野坐正係電視機面前..到底係嘜?

 

玩到累，又係搵爸爸??唔通「b女」鍾意痴男仔?

 

小b的獅子好朋友，傻Q(因為佢真係傻嫁)好鍾意錫你

 

 

長毛傻Q

 

 

包包臉(證明我已經大個女啦)1歲多