Big Date 衫KO

以下全是入選佳麗︰

希望我個樣冇令大家驚驚~~SORRY~~

被OUT之款

2012年10月18日 星期四 晚上6︰00 @ 顯卓

今晚最主要轉婚紗及一件晚裝

以下係第一次及第二次被OUT既款，其實有D都好鍾意，可惜...著唔得曬呀!!

哈哈！！


新返的款，婚紗尾好靚..可惜，我唔鍾意一層層，大哥女友話似CAKE~~

清清地，其實我係好鍾意架！

第一次HOLD起的婚紗，超愛大拖尾!!!

KO第二套男禮

2012-09-08 星期六 @大埔 摩登婚紗

其實一直有諗過租 / 造，但遲遲都未決定到！

之前係顯卓試過一套，個款當然唔多OK啦！

早前俏佳人又再試過，可能阿傑高，件件都係衫身短 或者 手「就」位超短....真係冇一件係岩身！

再加上，租一套西裝都過千...

所以決定造一套吧~~唔講款，至少岩身先啦!!

住大埔N年之久，一直知道有一間店鋪叫「摩登」，但從未入過去~~

早一星期，專登同媽咪過去睇下環境~~

首先，店內掛滿已經造好既西裝，不同款式，長、短、燕尾、黑灰銀白，正路既色都有掛曬係到 

我建議︰店內有一位年青男，你可以叫他介紹顏色比你，例如你心目中想造灰色，但灰色都有N咁多種，可以利用他的眼光作比對...可能心理作用，始終大家後生，眼光都差不多吧~~起碼唔會介紹D老餅顏色！

建議係射燈底下選好色...之後職員會叫另一中年男職員為你度身~~

這職員非常好傾，店內有幾位客人等緊他度身，但過程中真係一對一，他會先給你一些款試長度、衫身(收唔收腰，一下一下咁試比你睇效果)，過程完全冇吹過你，因為始終靠想像，所以試完款一、款二，再試返款一，都無黑面！仲會不斷提點你意見，我們亦都樂意接納！他們有經驗，會知道出黎效果好唔好睇！

另，建議，每個位置唔好造得太修身(如果到時有咩問題，未必改到)...所以師傅度身既時候，都輕輕放少許(什麼3/4)，未係最最最FIT身！萬一造起了，出意外，都可以加多減少！這重點係師傳提我們的！因為有新郎要求上身、下身都要修修修..連腰都要修修修！因為西裝「紙口位」唔會好多(要放都係得少許放)

Total︰燕尾價錢$1698(我們另加了$100要背心、包TIE、袋巾)

這間店真心推介比各位BLOG友~~

YEAH~~我們又KO一件事，等一個月左右再去試！

後記笑話︰店內放了一些型男相片，在店內先自己睇大約款式，之後職員問我地有冇咩心水款鍾意，我地一齊答︰要「林峯」款，之後職員、其他客人都笑我們！職員直頭除埋「林峯」既A4 size海報落黎！過程真係太開心了！

肉痛

2012年8月24日 星期五

試兩位媽媽衫@俏佳人

早前男友媽咪行尖沙咀婚紗街睇媽媽衫...

看中了2-3款...

相約好時間一齊去睇...24/8收工後，即坐地鐵去長沙灣既工業大廈睇(尖沙咀搬鋪)

7︰00 準時到達，原來男友媽咪約6︰00 自己已試 =.=

所以，除左睇到佢簡左既款，係咩都睇唔到既~~

約好時間，我媽咪可以簡五件衫去試....

根據職員所講，他們店內「媽媽衫」既款式不多....

試完一輪後，hold起款式了....

期間，我一直不知價錢，聽男友說，2000蚊左右...

叫我不用理會價錢，因為佢媽咪鍾意~~~

碌一碌卡，回來說︰兩件媽媽衫，6千幾....

一聽，我直頭想暈低...

我媽咪聽到之後，不斷話好貴好貴，連我媽咪都覺得肉痛，她只想平平地，錫住我地銀包！

大家要記住，6000幾蚊係「租」既價錢，唔係買！！！

痴線...

我回家肉痛到靜靜哭了！

我大婚的衫連男禮，只不過係5000多...

兩套衫，收6000幾....

無言！

小小心意小手作

懶了懶了，係時候追追BLOG

早前已經整好了460個鋼印(唔知用幾多個架，整左至算)..HAHA~~

仲要係好好利用工作時間去整...

整完第二個，隻手真係痛了...

早前就腳痛...為了「囍」字CHOP...制成品如下~

美心只係整左一半..另一半就

試Pre Wedding 衫@法國婚紗

2012年6月10日 星期日

今日約好了2時到九龍塘法國婚紗試衫，大公司就係大公司，一早可以選定20套衫試，慳返好多時間！

大約2︰15開始，先試婚紗 - 再試晚裝！

有兩位職員幫手，所以好快我就試完！

婚紗真係幾靚，但晚裝就一般！

之後到男友試，上網他選了三套，但職員推了兩架掛滿西裝既車入黎，叫男友落手落腳簡、睇款！

Sales，當然Sale你 upgrade啦~~

但過程中，好舒服，沒有hard sales情況

最終，男友兩套西裝都upgrade了，total $800~

職員，還問當天會否加$180要鮮花作頭飾，我...不用了!!!

期待7月1日來臨...

Pre Wedding試衫記

24-5-2012 星期四

放工之後，有節目！

今晚相約左pre wedding公司試婚紗、晚裝！

收7︰00，慢慢行至尖東晚飯！

8︰15，上到某酒店開始試..試..試..

pre wedding公司婚紗、晚裝比相像中好，好期待6月18日星期一去影！

初步已構思好行程表，這攝相放棄山景、沙灘景！

來一攝尋回「拍拖記」！ 

主打︰跑馬地足球場

人生第一次著上婚紗

2012年4月16日 星期一

早左3月中下訂，被安排至4月16日試婚紗、晚裝

今天全天心情都好興奮、好期待，好想快d收工！

準時7︰00閃，媽咪、阿E早在樓下等我收工，天，下著雨！

飛奔坐的士去~

7︰30 PM準時到達，阿傑、傑媽亦到了。

7︰45 PM開始試第一件(3月中已一見愛上)，好彩，CHECK過件衫有期，沒有被人HOLD到

一試，大家都讚好好好好好好好好~~~~~

不用考慮，HOLD起了~

之後再試敬酒、送客既晚裝！

再轉戰婚紗，嘩，著上婚紗，真係好Q靚呀!!!

最後，選了中五福褂！

試完後，已經9︰45...阿傑已經不夠時間試，再約，已到5月尾時間~~

哈哈！

好彩，一早已知自己心水，表達比顯卓Candy聽，佢好快已經搵到衫出黎比我試~

最後，還買了一個girdle$380(我真係太懶，不喜歡周圍試，價錢ok，試過舒服，便買了)