鬼面罩

2009年12月18日 星期五  威爾斯醫院

今日請假了，專登陪趙俊傑到醫院整鬼面罩.....

我準時9點已經到達醫院...你呢????

你好唔好意思呀???

原來鬼面罩要花足一整天時間去整...

早上先倒膜....過程算快!!

之後我地在醫院入食早餐......仲見到Billy So...so good~

回大圍休一休不夠兩小時...又再出門口....

兩點準時回到醫院...

膜..已經整好了...

今次是剪返阿傑臉整.....

這個步驟非常之花時間....

整個面罩造好了，已經正正5點....

還未吃午飯...餓暈了!!!

SHIT~~

而家整了保護罩...總算安心一點了!!

手術天，亦都是我最亂的一天

2009年12月14日 星期一  那打素醫院

準時11點30分到達醫院，準備好見醫生..聽聽今天的安排....

約見後，手術將安排午飯後開始....

1點30分辦理入院手續...

由護士帶到病房去....

換過手術衣服....安坐靜待...

兩點左右護士叫名了....所有做手術的人全進去另一地方....

我安坐出面等待...

這個手術只有鼻部分會麻醉..手術時間約15分鐘完成...需帶備他過往的一張照片~

原來他是第一個病人做的，但是最後一位才走....

眼見親戚一個一個接走了親人，為何你還未可以???

4點半左右，你終於出黎....還非常精神...

原來你已經在入面坐左個多小時先出黎，原因..因為鼻升未止....

手續完成後，付過錢....安心回宿舍..休息一下吧!!!

但...

可怕的夢正式開始..............

5點左右回宿舍後，由5點20分，你開始流鼻血....我一直替你計時間...

護士給我一封信，如回家有任何問題，立即帶他回急証室....

你足足流了一小時，從沒有停過，我真的真的很怕你會出事....

當中的時間，你還吐了二、三次血出黎，部電腦......心照了!!

諗都唔好再諗，叫「門仔」車返我地去醫院止血.....

去到醫院，你的鼻血越黎越多...我個人真係亂曬...又跌野....我好亂...好想喊....

害怕你會這樣死去.....

你的鼻血好似開了水喉一樣....好勁好勁...兩卷紙巾都不夠....

我這一世....這一世一定一定不會忘記.....

醫生還說︰你d鼻血咁勁，要送你出「威爾斯」....聽到個刻..整個人都軟曬...

立即打給你的媽媽通知她來....

好彩.....耳鼻喉科還有醫生未放工，他即刻幫你塞左一條白色長長的硬物到你的鼻內....我親眼看到....真的真的想暈....好可怕....但我唔可以喊嫁....因為怕失禮....

你終於終於止到鼻血...醫生用儀器幫你洗鼻...見到你又心痛...你又痛苦....

鼻血不斷倒流入口喉內...令你辛苦之極....鼻孔又大大舊血塊走出黎.....

醫生解釋︰可能因為手術其間，移鼻骨的時候，郁到鼻膜引致流鼻血....!!!!

上到病房....代你答護士一些你日常生活的問題.....

安定了....你個怪物開始叫肚餓啦....

走落地下買了麵包、兩支水給你....再加一個飯盒.....

但你而家所以的食物必須凍食.....緊記緊記....

p.s.  你手術後，好自然跟護士說「再見」，但你好快就話應該說「拜拜」，護直還笑說︰「再見」...因為你要回來覆診.....

估不到真的咁快又會再見面!!!

我8點半左右回家了，整個晚上都不能睡...不斷不斷想起今天的情景....眼角自自然然流出眼淚..不知什麼時間睡著了!!但睡下醒下，看看你或醫院有沒有打過來....當然幸好是沒有的!!!

 

 

又傷

記低這一天︰2009年12月8日 星期二   友賽非洲球員

趙俊傑又傷....

今次傷咩??

....

...

鼻.....

晚上我已經回家了，食了飯，沖過涼....mask當中...

差不多9點左右收到張sir電話.....

對話︰阿傑又整親，你方唔方便去醫院睇下佢點情況....

果刻....反應比較慢...唔知道答咩好.....

"拿拿聲"換衫，飲藥，走人...

點知，我仲早過阿傑上到醫院..真出奇!!

去到醫院見到全身都好多血...亦第一次見到"他"流出這麼多的血....

替他換上乾淨的衫，鼻血又在流過....連忙搵護士拎紙巾.....

照過 x光 ，證實鼻骨斷了....安排後日回醫院再約醫生...

回宿舍再換過衫，鼻血又再流.....

「天呀」!!!!....

但運動員都好處可算是優先...第二天早上打比Dr.容(骨科)告知情況一、二

在12點半前到達那打素見耳鼻喉專科醫生....安排星期一(14號)11點半入院做手術.....

到底黑運什麼時候才會走??

阿傑今季唔可能再比賽

2009年5月5日  星期二

等左一個月，這個日子終於來臨！

到底等咩??

就係覆診啦~

今日見到醫生，知道左個結果後好失望，醫生驚阿傑再整傷，唔比佢踢餘下比賽。

對阿傑黎講，係一個好大好大打擊，雖然阿傑狀態唔太好，但我相信後備入替，應該可以的。

等下季從新開始吧！

今日，還要check心電圖...

一check出黎既結果，護士幾緊張，以為咩事，原來阿傑check出黎既心跳只得45，護士即刻推輪椅比佢，我仲以為仲咩，明明行得走得，仲咩搞成點呢??

阿傑話運動員係會低d，正常嫁~

睇下左邊，得45咋~圖片經我整過，唔見左I.D Number~

阻街

2009年5月5日  星期二

中午篇

今日好友阿溫有時間到泮涌教我地整龍門架，點解會「阻街」，請大家看看圖便會知道。

我地由五金鋪一直行..行經新街市、停車場門口，到泮涌..再經寫字樓先安全到達目的地。

唔知點解個訓練班係阿傑，但要來強及阿溫幫手，萬分唔好意思。

期待明天來臨

明天......安靜等待明天.....

明天，就是...趙俊傑手術後六個月啦...亦即係安全期....跟大隊分別不大了。

好想快d明天見醫生，看看阿傑進度如何？如可否做後備等等問題....

明天...我相信知道了。

摩洛哥人

2009年5月4日 星期一

琴晚半夜(3/5)開始大病，第一次真真正正感覺到「暈」係點，我相信比傷風、感冒辛苦得多.....第二朝正正五點就起左身，點訓都訓唔到，等到6點幾就出門口睇醫生.....唉....半夜有想過去急症~哈~~死頂~~

我個頭新唔新潮呢??

阿傑既傑作....現在還是「暈」~~

點算??

趙俊傑康復期三個半月

2009年2月17日 星期二

阿政抽空到球場睇下趙俊傑現正既情況，到底而家三個月半啦，又可以做咩動作呢?

簡單拉筋

左右移動

阿政替阿傑寫下他要做的動作

唔好以為好簡單嫁，一路行都要記住d步驟點行

阿傑做這個動作真係有d智障，做左N次D步驟都記錯了

Billy介紹來的阿政，真係好有心機教導阿傑每一個動作。

跳繩已經無問題啦~

最後做返拉筋動作，這一課完了。

其實阿傑而家已經可以做好多動作，不過時不時隻腳都會有d唔太好感覺，希望你真係聽物理話，唔好心急，一步一步黎，唔好曬左之前既心機，你要相信自己，就算好嚴重都好，只要你唔放棄練習，日子有功，一定可以回復最佳既時候。

張熙澤醫生

今日和富既「李生」、領隊「蔡生」到球會跟球員拜年，好開心，估唔到「張醫生」都會出席為坐上客，真係開心到不得了，到底佢係邊一位??

這一位就係幫阿傑做手術既其中一位醫生，阿傑回醫院覆診又係佢，真係無時無刻都會見到「張醫生」。「張醫生」為人非常細心、又有耐性，你真係真係一位好醫生，希望你有更好既發展空間，造福社會。

阿傑做左張醫生既小fans~

先黎一張正經大合照。

再來一張開心大合照吧~

趙俊傑新進展

好耐都冇寫過阿傑既最新情況比球迷知道，他而家既進度比想像中好及快！

但到底好得太快又會有影響嗎??下次見醫生記得記得問問~~

阿傑可以既動作︰

1.可以踢腿動作(做gym)(但物理話這個動作要三個月既人先可以做..但點解阿傑而家可以做嫁....真係好驚，好怕再有事~

2.跑步(20分鐘)

3.跳彈床

4.水療

仲有咩呢??哈..我好似唔係好記得添~

趙俊傑︰你快d話我知呀~~

 

 

光仔手術日

2008年12月24日 星期三 平安夜

今日光仔做手術啦，準時早上7點入院，10點鐘入手術室，離開已經係中午1點35分~

等，今次時間過得比較快，因為有雜誌相伴。

5點半可以去探佢啦，不過佢嘔得勁，嘔完又嘔，至少嘔左十次，睇到真係心痛~

這張卡係沙田書局買嫁~~靚唔靚呀~

集合了超過四十人的說話~

約見物理治療 Billy So

2008年12月20日 星期六 ，早上約左Billy睇佢倆個既臭腳，光仔手術前最後一次約見Billy。

之後我地三個去左食意粉屋，當係祝光仔手術成功的一餐午飯。

好得意，暏喱黎嫁~

好鍾意這張合照~

光仔個樣好累、阿傑就....正一傻仔

阿姜無心肝

睇返一個鐘頭前打果篇Blog「無條件付出」---點解成篇野都無提出心肝寶貝趙俊傑嫁??死火啦，我仲要係沖完涼再睇返，先記得阿傑同一日覆診，但點解篇野提曬光仔一個~~Oh~~比阿傑鬧死我啦~~即係補鑊~

阿傑9︰35左右就上到黎那打素，我這個不孝的女朋友，去到醫院門口接佢，回頭時，光仔仲係到，未叫到佢個名，等等下，收到吉之島電話，兩支筆已經可以取，我即刻搭的士落去攞，Good~~好滿意~

之後即刻上返那打素，阿傑岩岩入左去見醫生，我當然自動入去啦~~哈哈~

醫生睇過阿傑傷口，埋得差不多~~可以拆線了~哈哈~~情況又再進一步了~~

之後等埋光仔做物理，一齊搭車返大埔墟食飯。

無條件為你付出

今日光仔再一次返去那打素覆診，這次帶了磁力共振底片給江醫生睇，我一上到去已經見到他了，而阿傑咁岩都係今天覆診，不過遲一小時，約了上午10︰00。光仔等了大半小時，到佢入去見醫生啦，我???當然死跟啦~哈哈~~留底左阿傑一個係出面等，Dr.江睇過底片、報告後，証實前十字靭帶斷左，跟阿傑一樣，但比阿傑好少少，他沒有撕裂。醫生安排了12月24日做手術 ，我相信這個"平安夜"一定好平安、因為這個手術一定一定無事！！還有你的家人、好友以及我這個無名人一直會陪著你。等候你帶一個好消息給我們！

估唔到生日過左咁多日，仲可以收到 '你' 的生日禮物及這張卡，你的說話令到我好感動、好開心，卡內寫滿了很多說話，有一種很暖的感覺，多謝你丫..光仔..

我答應過你的事，我一定會實行，只要你用得著我這個無聊人，請便！！因為這是我工作的一部份。只不過對 "你" 及阿傑特別著緊。

唔好擔心咁多野啦，目前要令隻腳盡快退腫，其他的事，手術後再作打算。

這張卡真係好靚丫~估唔到過左廿日都仲收到禮物，抵我為你咁賣命。

趙俊傑出院後首次洗傷口

2008年11月13日 星期四

今日阿傑準時九點返威爾斯醫院做物理治療，因為我要工作既關係，所以這個重任落入傑媽手中，阿傑現在行路安穩很多了，但安全要緊，因為十字帶要六星期才生得穩定，物理約半小時就搞點。

之後阿傑順手洗一洗傷口，比較大的傷口還有少許血水，而"菠蘿蓋"的位置傷口已經好得七七八八，實在太好啦~

而我，今日就陪光仔返那打素做物理(近我ma)，佢隻腳仲好腫，祝佢好運！

陪伴光仔..真的真的肉痛

今日下午二時約左那打素張醫生見光仔，我上去順手送張多謝卡比張醫生，我一落的士，已經見到光仔岩岩落的士，佢爸爸車佢黎。之後慢慢行入診証室等張醫生，光仔仲話唔洗人陪...最終.....個結果.....

張醫生同江醫生初步診斷光仔真係同阿傑一樣，真係心到痛埋，痛既原因︰阿傑傷左兩個多月，而家又到光仔，肉到痛呀！！光仔隻腳真係好腫，痛到佢....唉.....心又痛、肉又痛。想死！！！

之後姑娘教我問出面借輪椅，辦好手續後，先到X光部照，再之後到二樓既義枝部(整腳架)及物理治療部(約日期)，哈哈，如果唔陪光仔，佢行..我諗要成七點先搞點丫，去東又去西，我地搞點走得既時間已經係五點三十分。慢慢陪佢行返出去，陪光仔Call的士後，送佢上車，之後我就返球會。

p.s. 記住呀，真正既朋友不會計較咁多野，出自真心，不問回報！

張卡我買的，係又一城Log-on，好靚呀！

手術後來一個對比

來一個手術前、後對比

手術前，肌肉非常勁

手術後，肌肉開始失蹤~

手術後傷口

11月7日--趙俊傑出院，可以返屋企啦~

住過兩晚醫院，趙俊傑今日終於可以返屋企好好休養，差不多下午三時接到阿傑既電話，我即刻執好野，飛的士上那打素接佢出院，在病房內執好物品，到繳費處交$350，再到取藥處取止痛藥，好好彩，有一位熱心家長車我地出沙田威爾斯排期做物理治療，還送上禮物給阿傑，真的謝謝，你們有心！！

去到物理治療登記，已經係5點05分，時間真係岩岩好，原因阿傑真的慢動作行，仲要比佢鬧鬼我，激死我，又話我唔幫佢行快d登記(大佬呀，我可以幫你登記先得嫁，人地問拎身份証呀，咁我係唔係比我果張佢呀，真係激死)，我自己又"咩"住一個大袋，又拎住一個環保袋入住佢係醫院既物品(當中有一支大既利賓納未開、有一書三冊雜誌(我已經話唔拎，佢又話未睇過..拎拎拎)，仲要拎住大大張14張既磁力共振底片，要我拎曬已經唔係問題，因為你有傷、有病，我好應該照顧你，但你都唔好當我係阿四啦，為左你，去東去西，我已經病左，真係比你激死我啦！！！！

搞點曬之後，就坐的士返大圍Lu，我坐車頭，拎住幾袋野再加兩支拐杖，阿傑腳傷，連隻手都懶得拎野，佢每一次上落車，我都要"櫃"係地下抬佢隻腳，因為現在不能曲腳，所以出入真的麻煩。

第一次見，跟現在，感覺相差很遠。

等18號回醫院拆線。希望佢傷口靚啦~

p.s. 趙俊傑加油呀，很多人支持你架，好希望你遲d復出，令人眼前一亮！！

11月6日--手術後第二日學行路，好多人探望趙俊傑，多謝你地呀！

今日返工執好所有手尾後，哈..又閃人了。過左大埔中心幫手派一陣單張(其實主要目的...就係要幫趙先生買大航海點數卡...佢緊張'它'多過緊張我..佢怕返屋企悶..又唔可以周圍去wor)....之後join左成班，當中包括︰威仔、阿智、光仔、阿佳、阿冼、小毛、門仔、阿禮、阿灝一齊探阿傑，拍好車後，一行十人上去，個感覺好似探大佬一樣，哈哈~~一行十人直接入病房，d護士都怕怕我地，叫我地分批入黎，哈，最估唔到阿傑可以落地行，原來今朝照過X光後，中午去左見物理治療醫生，今日要學行路。我見到他，算成功吧！！！

講返琴日，佢嘔出黎的是綠色物體，我相信是麻醉藥有關的，去到半夜，傷口非常痛，痛到佢訓唔到，心痛！！！！

我今日帶了航姐煲的愛心湯水「蕃茄薯仔紅蔔白」，阿傑飲曬..yeah~~飲d湯水，對身體又好d，我仲買左黑提子(唔係咁好食..不過上網check過，提子中，'它'是最有益)

今日探阿傑既人特別多︰阿智、阿佳、小毛、威仔、光仔、阿冼、門仔、阿灝、阿禮、李淮僖及李太、陳太、其哥、其嫂、張SIR、當然唔少得我及阿傑媽咪啦~共17個人丫，好勁呀~

送上球員們探病相︰

著整齊衫，好型呀~

精神好好~

隻腳好似包左好多野Wor~

希望是唯一在醫院內合照

張相感覺...阿傑好似高左好多~

學行路當中....終於明白到咩叫一步一艱難，有相你睇~

 

手術後第二日--照x光

早上約9︰45，接過阿傑電話，護士正推佢落去照X光，希望這個手術可以吧！！探望完再匯報給大家。