印帖名成功

利用一個帖封左試右試，對位，終於成功啦~~

琴日最後一批好姊妹試好衫啦~~9位，完成Done...

好開心，有她們的幫手！很感覺很甜，幸好，到目前，她們也沒有任何聲音！

試好裙後，即飛出沙田IKEA買埋層板放psp、寬頻機....

電視亦掛牆了，世伯因為做水電行業，比佢整一整，電視由追唔到台到而家「超清」了！最搞笑，samung師傅上門都追唔到=.=

4︰30回到大圍，正式開工！

因為一直都唔識點直接印落信封面，左問右問...

先打名單落excel表，再利用word，將文件合併！再插入文字方塊，大約係咁，就一次過print 曬，真係好方便！

完成這個大項，個人真係鬆左好多，而家好開心呀!!!

哈哈!!

倒數一個月

話咁快，最後一個月、最後的準備！

1.15/12 印帖名(失敗就手寫啦)
2.19/12 安床、媽媽衫轉款
3.RUNDOWN、座位表不斷UPDATE中
4.買回禮禮物
5.染髮 ^.^

大家也要加油呀!!!!!!

我們的帖

可愛嗎??

酒樓包了我們$4.5的款

Like~

極度蕃薯

10個蕃薯，我地兩個肯定有100個蕃薯！

點解咁講??

帖....我地完完全全沒有想過賓客中有20多位外國人...

所以，帖，全是中文，職員也沒有特別提問過需要印英文嗎??

所以，即刻叫曬救命！數量整咁少，出面d公司肯定唔so我...

可憐既就係，自己又唔識整！

真係萬萬個好彩，男友識的朋友多，即刻call女子隊成員一問，2日內即完成！

我冇咩要求，她只係給我ABCD選擇英文放既位置、花邊有邊無邊等！

比齊資料，等她自由發揮了！

出黎既效果，我極極極滿意！一次也不用改！

她整了不同款、不同色！我選了紅及紫！

紙 - 就在文具店買了珍珠紙!!!!

完成！驚！

過大禮 - 禮成

2012年11月25日 星期日 下雨

過大禮、過大禮啦!!!!亦即係代表婚禮既日子又再進一步！

今早，8︰00左右就起身，心情總會少許緊張！

親戚們8︰30左右入到大埔一齊飲茶啦~~

好熱鬧呀!!!

阿傑9︰00左右已經入到大埔，第一站，生果店，2個果籃$710、第二站︰大埔火車站奇華取餅

11︰10左右就上到黎啦，我們搵了楊生楊太及KK幫手(拍片)...

過程當中，阿傑又有蕃薯野，最重要的野他袋了在身，沒有交給楊生，搞到KK即刻落返樓下大堂到拎~~

笑爆嘴了！

去相啦~~


我的父母

親愛的爺爺

爸爸那邊家族

媽媽那邊家族

最後，禮成！yeah~~

又完成一件大事啦!!心情可以放鬆一點了~~

溫馨提示

各位，過大禮的餅(中式)，記得早一星期前去訂呀!!!

我差點「拉野」！

我個腦只係記住要訂的係「龍鳳餅」...

以為其他餅，就好似美心西餅一樣，行埋去比張卡佢換就可以！

哈哈哈!!!!

不過，這經驗一世人一次就足夠了~~

記住啦各位BLOG友！

分享香港平價利是封

早排先回大陸一轉，但諗諗下，發覺買既利是封唔多足夠！所以之後係香港補一轉貨....

剛剛的星期日行過金都一轉，唔洗問價錢，都知道價錢係點！

所以，搵一日lunch過左深水埗果頭買.....

果條街專賣聖誕批發...檔口就係「街邊的排檔」...

紙杯跟大陸一樣，大陸賣3蚊人仔、她只賣$10同樣係50隻，一D都唔貴呀！

就算其他價錢，當然可愛過金都啦~


$20一包(50個)、買三包只不過係$55，都有十多款選擇及顏色...總會選得中

長型利是封$10一包(10個)

$10一包(10個)黃色比兄弟、粉紅色當然比姊妹啦~~(PS.我回禮利是封都係用同一款架)

充實的每星期

星期一至五要工作，所以每一星期六、日都要好好利用！

剛星期六、日(17、18號)，星期六先去看阿傑比賽，到晚上6︰00左右去荔枝角訂SOFA($2800)..選了灰色(8/12送貨)

http://www.myfurniture.com.hk/sofa-all/1813.html

之後再過百樂門落第二次訂，今次落了四萬啦~~

星期日，1︰30先到太子金都選帖，我們一致不會任何加錢！

等稿約一小時，簽名作實！

再過沙田實惠、宜家傢俬買到隻狗咁....哈哈哈!!!

今個星期日(25/11)就係過大禮啦~~一切已準備好了!!

分享筍崗行

一早10︰30出發，過關後搭巴士321 或18 號巴士，對面馬路落！

這個商場其他行過很多次...所以一去到，都係行街先，唔係買野先！

其實冇特別格價，去最多港人的立興購買...

估唔到簡簡下，用左2小時多...

講價走唔甩，亦老點佢送左好多野！

多謝！

90 Days

話咁快倒數90日呀!!!

黎緊18/10(星期四)約好了律師樓職員交擬結婚通知書，晚上就去顯卓轉款！

期待！

意見一問

各位準備結婚 / 已結既朋友，想問下你們當天利是應多少???

希望各位可以比d意見我~~

1.化妝師??
2.攝錄師??
3.姊妹 / 兄弟??
4.酒樓經理??
5.酒樓上菜職員??
6.當天司機大哥
7.律師??


還有還有，係唔係全部都比雙封??

鋼印貼紙 製成品

10-08-2012 星期五 晚上

今日終於收到係淘寶網購買既貼紙，一共買了4包，一紅、二銀、一金

價值$5.8人民幣 100 枚

咁既價錢，真係抵..抵..抵..

店主今次收埋運費$15人民幣，用了一間叫「海航天天速遞」...

比較慢，送貨還是一位健談老伯伯，辛苦他了~

分開二天，做好了400枚，連同早前香港買的$16 - 60枚，一共有460枚~~夠曬啦~~

Yeah~~做好一件事，開心~

印出黎銀色比較靚、其次係金色~

唔建議大家買紅色，因為印出黎，唔多清楚！

不過咁平，買黎試試效果也可~

美心餅卡套@小手作

結婚，第一樣買的東西，就係.....囍字印......

感覺好靚~~好靚~~

chop左40多個，隻腳已經唔係自己了...

我實在太太太無力了...

一心諗住自己整，免得要趙生隻腳咁累，踢波=開飯一樣，這就是工作！

唉...都係放棄這個諗頭，雙腳好軟~~

試了兩個位置後，一左一右，趙生話左手邊好，咁就左手邊啦~~

好多謝朋友幫忙，在家中找了餅卡套比我，衰一個就無一個架啦~~

our wedding logo@鋼印

好開心，跟其他blog友一樣，有了一個屬於自己的logo

早前，不斷在網上搵有關鋼印資料，因為我手上沒有任何logo，即係話︰需要有關人士設計...

最終，搵到一間心目中覺得幾好、幾pro公司

設計費、整鋼印費用及貨品速遞到家中，total︰$398

落單時候，要求有KK、人名及日期，在網上亦都搵過一些相關相片給設計師看，我還有一個要求，希望在Logo中加入貓貓圖樣...

今天(13/7)收到email一刻，點解我睇唔到兩隻貓咪圖案??

之後我用電腦print out出黎，再細心一看...

見到了~~

你又看到否??

進入倒數半年

今日係2012年7月12日 星期四

亦即係進入倒數六個月階段

基本上既野，都搞得六六七七...

只係欠返大陸買用品、帖、rundown、座位安排、兩位媽咪衫...我相信仲有的...

難搞的，仲未殺埋身！祝各位好運、及加油啦！

同樣，2013年1月12日結婚的你們，一齊倒數啦!!

鋼印一問

眼見各位blog友 wedding logo 都好靚，大家有冇平靚正 或 free 既公司介紹比我呀??

搞到我自己都好想整返一個鋼印~

淘寶 - 擺設

2012年6月30日  星期六 收到貨了

前後只係用左4-5天時間(因為訂造關係)

店主很好人，知道我想用作pre wedding之用，幫我加急件造...

貴！但值得...因為日後可以用作家中擺設。


$90人民幣 15cm高

$200人民幣 10cm高(因為加色貴d、同每個字計)

要做、未做

無無聊聊又會係到諗，到底我有咩未做呢??

1.基本上結婚用品都會返大陸「筍崗」買...

2.花車公仔-Hello Kitty 都係「筍崗」買，果次普通問價$68...同我金都見的一樣...問你怕未！

3.阿傑禮服未定..皮鞋都未有

4.媽媽、奶奶衫睇下會唔會一齊租...定係分開各有各...

5.座位表未知整唔整，始終當日big day 兄弟姊姊已經18人，可能整個excel表比佢地就算...(懶了，是是但但)

6.當日出門時間、路線未plan

仲有冇d咩呢??搵高人提下我啦!!please~

我要結婚啦！！！！

各位朋友，為左唔想等咁耐，我地決定提早結婚呀！！！師傅擇了吉日就係.....2013年1月12日(星期六)啦~~

由決定提前結婚至搵酒席，只係用左3-4日時間咋，因為太遲關係，出名d、方便d既地方已經沒有了......

但又好好彩，媽咪一朝早不斷幫我打電話間間問，比我們搵到星期六酒席，地點就係美孚啦，雖然美孚擺酒，聽落好似怪怪地咁，但其實好方便，一出地鐵1分鐘就到了！到時真係落雨也不怕！加上，酒樓裝修後，開左半年咋！環境、佈置一流，又慳返一筆啦~

2014出嫁

自求婚後，開始周圍留意有關結婚的wedding blog、esd 討論區....

力求平、靚、正要求~哈哈！

因為我媽媽提出要擇日子要求，所以一早已將時辰、八字交予阿傑媽媽...

由男家去辦....

本身book了麥玲玲師傳擇2013年9月左右日子，但要今年2012年6月才可以擇(好似唔多夠時間book酒席)...

所以再搵另一師傳擇好日，但擇出黎結果2013年蛇年不合我們，犯太歲(豬、虎)，要到2014年馬年才可以辦囍....(6月再去擇日子)

只好再等等啦，心情灰過一下，只好儲多個錢啦~~

好多朋友知道我地將會結婚，係facebook中收到好多朋友留言，真的多謝你們~

我地既共識就係

地點︰九龍區酒樓(希望唔好有柱位、交通方便)
圍數︰約30圍左右
證婚地點︰婚姻註冊處
結婚相︰應該選擇近近地既......澳門!!!!