Yahoo Blog Say Goodbye

各位blog友，好好好唔捨得你地呀!!

li個blog已經用左N年啦

你一句話CUT，就CUT，完全唔理下我地這班資深人

我慢慢開始睇下點backup、點搬家！

http://keungkeung1109.blogspot.hk/

MY FB︰keungkeung1109@yahoo.com.hk (希望一班相熟blog友，希望add 我，繼續了解大家啦)

新家

各位blog友，好好好唔捨得你地呀!!

li個blog已經用左N年啦

你一句話CUT，就CUT，完全唔理下我地這班資深人

我慢慢開始睇下點backup、點搬家！

http://keungkeung1109.blogspot.hk/

MY FB︰keungkeung1109@yahoo.com.hk (希望一班相熟blog友，希望add 我，繼續了解大家啦)

爆笑奶奶

我3月試妝既時候，已經同化妝師講，要額外加一位主人家化妝！

好啦，到今日8號晚上11︰15，收到男友既電話，話佢媽咪自己搵左化妝師~~

我真係想爆燥！

雖然幾百數事小，但比你搞一搞，我點樣同化妝師講呢??

真係吊！燥底！

脂肪瘤

早一個post講過，抽血既姑娘話(左手)有多正常....

心思思第二日睇普通西醫(有內外科)，我問醫生︰到底係有野、定真係無野呀??

答案係︰有野...

再問︰係咩野???

脂肪瘤......

醫生解釋︰脂肪瘤好多人都有，睇下你生咩地方，亦唔關高矮肥瘦事...

脂肪瘤....有一層脂肪自己走埋一齊，變左一舊野...

醫生話係良性，無咩影響！唔洗擔心！

聽完醫生建議，仲無收我錢~~遇上一位好醫生，慢慢講解！

但經媽咪一講，如果有得做手術，當然做左佢啦，話就話良性，但日後變得點，冇人知道！因為現今太多基因既病變例子！

媽咪話︰如果萬一你真係咁唔好彩中果個點算??

所以，今早一返公司，就打去「那打素社區中心」book時間，比多個醫生再check check是與否！排到10月6日 上午時段

姑娘好好，話安排一位肯做這類小手術醫生比我，如果醫生唔肯做(安全問題，始終係診所)，起碼拎到轉介信去醫院門診，再排期ma~~

希望抽血姑娘、同醫生眼光睇錯啦~~haha~~

祝好運！

6月13日 嫲嫲離開了我們

2011年06月13日 星期一  廣華醫院

嫲嫲癌症生病了很久，一直在家休養...

有一天，嫲嫲已經辛苦到頂唔住，自己提出去醫院的要求！

點知，估不到...入院後四天，已經離開了我們！

08︰10 a.m.所有人也趕不切來....嫲嫲已走了...

所有人都哭成淚人..很傷心！最傷心者，一定要爺爺！

沒有人送到嫲嫲一程，內心真的真的很灰！

醫院的來電，一切一切也太遲，07︰45a.m.來電，住大埔的我們，遇上上班的時間，的士想快也快不了！沒法~

我只想爺爺堅強下去~

夏日炎炎look

今篇blog一定要寫..

原因係，我keep住長髮已經超過十年...

今天，把心一橫，剪剪剪~~~

未剪之前，成日會諗，到底我短髮係咩樣?

哦...原因係咁~~

今次的短髮，我已經很滿意，但染髮方面，我自己覺得淺了一點，看看其他人反應，再決定補染與否！

心情還是這樣

這一星期的日子，真的很難過，返工看到「小毛」的短片，喊完又喊，睇一次喊一次，由一段五分鐘的片，到他們「湖南」帶回來的九分鐘的片...喊過數次了!!

原來大家一直誤會了「小毛\」，包括我在內...

小毛原來有一棵善心到「四川」學校做義工，教小朋友漢字，帶一些文具送給各位小朋友。

真的萬萬想不到。

現在的你，永遠永遠都係留在我們的心目中，變成一幅美麗的畫像。

最近，工作上好像出了點問題...很煩...唉...

阿姜阿姜...什麼都找阿姜...

這個613

2010年6月13日 上午 「西藏」

小毛，跟你相識已經幾年啦...

真係睇住你變乖...

點解你一下子走了...

你不掛念我們嗎?

你不再跟阿傑踢足球嗎?

611的晚上，你打給阿傑，說「西藏」好凍...

雖然一開始真係唔鍾意你，覺得你好討厭，永遠都係到搞破壞....唔聽話...

到現在，想跟你說一句話，都不可以了!!

小毛，我真係好掛住你呀!

你要好好保重呀!!

小毛︰一路好走!

我永遠永遠都會記得你!

這個6月1日

6月1日，你已經唔再屬於大埔球員，你在「大埔會」已經四年了，我在這裡打工亦有三年多...我們習慣每天見面，可說日日相對，但到現在.....不可以了!!

慶幸，這幾年來，我們真的很少很少鬧交...

新的一天、新的開始，加油呀..蕃薯傑!!

煩

最近心情煩擾，工作上黎好似好多事都不如意，阿傑既地位更加改變了不少，但到現在我還相信努力是有回報的，雖然唔知道時間要等多久，這可能要上天給你一個大大的考驗，其實這十年頭你經歷過無數風浪，你要學懂如何面對、接受，最重要就是堅忍自己的信念！！

趙俊傑，請你不要放棄自己喜歡的事業！

亦請你尊重自己這份工作！

不退縮、不思想、不嬲

是進、是退??

現在一直等什麼???

前面的路是光明、或是...黑暗??

應該如何是好??

相信還是靜心等待一切!!!

婆婆保重啦

2009年5月29-30日

婆婆所有儀式已經完成了。

我亦都說了最後一次、最後一聲「婆婆」兩字......

希望你可以去到第二度繼續開開心心。

黑日

到底我做錯左d咩??

「鄭太」，你到底係唔係更年期??

第一︰你從來無同我講過文件急

第二︰你從來無同我講過律師行吹交文件，我點知姐~

第三︰你係大埔中心，同我係大埔墟出金鐘時間亦都係一樣，你夠膽死同我講我出去會快d

第四︰你覺得成日要幫球會做咁多野，仲話唔止第一、二次，點解你唔同朱校講?

第五︰我唔係幫你打工，你無權鬧我，係電話裡面，你一句嘴都無停過，你有幾惡死，唔止我一個人知，仲有光仔相伴。

第六︰我主人話放係到先(文件)，咁主人都有錯，你唔打去罵佢，阿智同我都係球會職員，你唔打去鬧阿智(比如)，唔通我真係好蝦d。

第七︰你有冇可能鬧完人之後，叫我唔好同朱校講??
ok，咁我同陳生講，無錯嗎?

第八︰你今日吹我去交文件，ok，我搵左阿智幫手，但你成日話急急急，點解你今日先拎張支票比我，如果係咁，你同我一樣都係遲。

最終，你都係靠金鳳小姐拎張票比我，仲要係電話背後不斷講野。

我講完比陳生聽，陳生問我︰點解唔cut你線，我諗我真係太好人。

但件事，我唔會就咁算數。

婆婆安詳離開了.....

2009年5月9日 夜晚  23︰01，這個日子要好好記住.....

親愛的婆婆已經離開了我們......

收到爸爸的電話，已經跑去搭的士，到「大埔醫院」去。

差d還扒了樓梯上，著住高跟鞋的我，什麼都不理.....

直奔到病房，當然婆婆的心跳還有20，但心臟機的線都是直的........久不久才跳一跳。

我的淚水出來了......腦海中不斷出現過往歡笑日子！

親人亦到齊了，每人都跟婆婆說話，雖然她沒有看過我們一眼，但我相信「她」聽到的。

「婆婆，敏婷已經長大了，不用再掛心！」

遊戲

遊戲由2009年4月20日 凌晨開始了，唔知道最終既結果係點呢??

我琴晚(21日)不斷不斷反反覆覆問自己，到底我想要既野係咩??

錢︰真係好重要，但我唔係貪錢，只想有一個簡單安穩生活已經足夠。

兩者只有一個人可以滿足到我，不需要我擔心任何一樣野。

將來︰阿傑一直都為我地將來作打算

而你，我真的適合你嗎???你屋企人不介意我年齡大過你嗎??你真的會諗我地有將來嗎?

錫︰兩者同樣地一直都好錫我，阿傑問過我︰佢到底為你做過d咩??難道佢付出少少就可以埋沒左我地4年幾既感覺??

其實真係唔會埋沒，只不過我既性格一直都唔定，個心亦都不斷唔定，亦唔知道幾時先可以定下來。

我跟他的關係比過往的仲要好，仲要好好多倍。

可能我為他付出既亦比過往的多。

你問我想唔想同佢一齊，我真係有咁諗過，但我知道佢唔會照顧到我，因為他的思想比我還少，只顧目前開心。

我一直傷害緊你地兩個，點解你地兩個都唔肯放棄我這個壞女孩??

對唔住兩位。

心情超差(更新中26/4)

16號至今，婆婆入院已經第三天了，情況一直在轉壞，報告說出婆婆膽管發炎及塞，亦有發燒出現，如血壓一直降的話，亦不會做任何搶救，待她自然..........已經叫我們做好心理準備，心理準備既定義係咩??/真的可以嗎??

我真係發癲啦，我真係好掛住婆婆。

還記得婆婆常常跟我笑的樣子，到今天在醫院的她...心痛極了。

第一天還認得我....媽咪...及敏表姐...其他的已經不知道是誰。

第二天我沒有去，因為人數太多了。

第三天雙眼一直合著，不斷流出眼水，食糊仔(藥)亦食到滿臉通紅，一眼亦沒有看過任何人。

第四天望過我一小眼，之後繼續訓訓訓，不繼出汗，個頭都濕曬，我幫佢拎走一張被，幫她沬過淚水.....一直捉住她的手...真的不想放。

......

......

4月25日精神好好，我看她的時候還有精神，但報告出來非常壞透，中風、爆血管、內出血(未知原因)、老人痴呆，心臟問題等等，今天她的半邊身腫到豬蹄一樣，但對著我們還笑笑口，我叫她記得乖乖食藥，等你出院一齊打麻雀，這刻她真的想說話，但沒有任何聲音，婆婆永遠都係我的小寶貝。

4月26日胃口一般，一直幫她吊了炎水、今天加多了一部心臟機，就好像電視中的一樣...但今天婆婆昏迷了，誰叫她都沒有任何回應.......

發癲了一個晚上

昨天晚上至半夜(4月8日)我真係癲左一晚，傻左一晚，跟阿傑爸爸係尖東「東海」食過生日飯後，我獨自一個坐船到中環吹吹風，點解選擇中環？唔知你仲記唔記得你講過既說話，可能你唔會放係心。

我們身邊的好友已經知道你我之間發生了一些問題！但我真係無諗過解決，捨得....捨不得！！！

我沿海旁一直向前走，轉了一圈，不斷地吹風，真係好凍，我一個人由9點幾一直等到11點幾，為咩而等？IFC陪伴了我兩小時有多，終於等到了，傷心過、心痛過亦哭過，一直談天到1點幾，坐著海旁邊，望著尾班船回來，一架一架船停泊下來，職員再關閘，再一盞一盞燈熄下來。

巴士、船、地鐵亦已經下班了，我倆走回IFC，我最終只有的士回家，回家亦夜了。$167左右已經可以安全回家了。

對著你，我唔會再提半點任何不開心的事，因為我怕.....再一次為你傻傻地等！

我會永遠記住的士站旁你對我的每一句說話、果一刻所發生的所有事。

雖然這種關係唔知可以多久，但我至少跟你真的開心過。

我真係好開心。多謝你帶給我好多既第一次，以及美好的回憶。

 

2009年4月4日 西鄉拜山遊

今日早上6點10分就起左身啦，好準時，因為知道自己所有動作都會好慢，所以....早早我就搞點等爸爸媽媽起身，就出門口Lu~

6點45分 準時出發

過完大陸...差不多已經8點了...火車上迫到變豬~

香港過關....超多人.....迫到變餅。。。。。

今年我地試試新方法回西鄉..就係...

搭地鐵啦~~

由頭坐到落尾....算好快..半小時左右就到「世界之窗」~

再轉巴士...終於回到鄉下，再行好遠路上山..上山後，變了一隻魚..大家估下點解啦?

西鄉這個地方...其實我都唔知係邊到，只知道細細個手冊裡面寫著「寶安」二字。

今日天氣非常之熱，好彩今年著了小背心。

拜過山後，係時候食午飯啦~

之後過返「世界之窗」行左商場一陣...環境好靚，睇戲仲貴過香港，晚上一張飛要90蚊人仔....高消費呢~

之後迫巴士返黎深圳...再行行行...食晚飯.....

回家已經晚上20︰45....

足足由6︰10 a.m - 20︰45 p.m.

累死阿姜啦~

哈，第一次由頭坐到落尾咋~

商場裡面影，覺得好靚呀~

今日無紮馬尾，唔知大家覺得點呢??習慣這個髮型嗎?

好似去左巴黎一樣..哈哈~

給你的最後一封信。

真心愛一個，先要學識如何待她/他好，不要令她/他受到不必要傷害。

這一點我相信不難，但對你....可能真是一個難道。可能你年齡還小，好多野都唔識為人去諗、而想。

回憶！！

我諗大家與大家之間哭過、笑過、快樂過、我對你的付出已經超出了許多。

希望你唔會嬲我打曬所有野出黎，因為真的是回憶，我害怕到時會通通忘記了。

慰問卡、手術當日、照顧(包括你嘔)、那打素物理、睇billy、磁力共振、見醫生，通通為我帶來一個回憶。

私心！！

我一定有。

你要記住，我從來無要求過你為我做什麼，只是真心付出，真心看待你這個私下好友，無條件幫你。

愛！！

我對你之間存在的不是一種愛。

但有一種好微妙開心感覺，好想你一直係我身邊，無所不談，可能我朋友不多，這一點我相信阿傑最清楚知道，4年內，除左同大佬b、阿燕去街之外，已經沒有朋友了。這點我應該係最失敗，我電話內女性既朋友十個之內已經數曬，但男性........多多多~

好感一定有。我真的真的享受被愛的感覺。

你覺得這個決定對大家係最好，所以我百分百尊重你，亦無任何意見。

彼此關係漸遠了，亦慢慢疏遠了。

問我，真係唔捨得，一晚之間最知心朋友不見了。

亦好難再可以搵返一個有同樣的感覺。

到現在，你說過會一直等你，但你可以等多久?

我跟你解釋過好多次，我同阿傑分開，起因係你，因為佢主動跟我鬧交，佢主動說一年內分手，我講過情侶之間感情好，誰都不能介入，包括你，感情係雙方一齊努力維繫，如果任何一方有異想，這關係亦難以落去。

承諾！！

你對我的承諾，我知道你是認真，但好多說話不是除除便便可以說，這一點你要好好記住。

真心愛一個人，不要問人地比到什麼你，而是你可以為這個人付出幾多，亦不望任何回報。

想清想楚才說，傷害我一個已經足夠足夠了，希望你再次拍拖可以真心對待她，不要令這個人傷心咁多次啦~

遺憾！！

大家知道就好了。不用多說。

最後，好希望東亞運可以見到你出現，亦希望你將來會有更好成績，唔好忘記2008年11月8日的事，你經過失落、唔開心的日子、幾經辛苦才會有今天的成就，你問過我，會黎睇你比賽ma??

我會答︰你想我黎的話，我一定會到。

可能你到時張飛已經留了給自己的女朋友。仲到我嗎?

可能要自費。你比。哈哈~

傻佬。

 

自私

到底有幾多說話可以對現?

最終...結果...

感情每每總有一方受到傷害，但唔知點解次次都會係我，可能我往往為人著想，寧願受傷果個係自己，我諗這方面唔係偉大，只係傻。

今次已經係第五次出事，點解主角又係我??

我太容易付出了感情，痛苦既只有我這個大傻婆。

對唔住既...只有阿傑！

對唔住。