2011年06月13日 星期一 廣華醫院
嫲嫲癌症生病了很久，一直在家休養...
有一天，嫲嫲已經辛苦到頂唔住，自己提出去醫院的要求！
點知，估不到...入院後四天，已經離開了我們！
08︰10 a.m.所有人也趕不切來....嫲嫲已走了...
所有人都哭成淚人..很傷心！最傷心者，一定要爺爺！
沒有人送到嫲嫲一程，內心真的真的很灰！
醫院的來電，一切一切也太遲，07︰45a.m.來電，住大埔的我們，遇上上班的時間，的士想快也快不了！沒法~
我只想爺爺堅強下去~
2011年6月20日 星期一
2010年6月23日 星期三
2010年6月15日 星期二
2010年6月2日 星期三
2009年10月21日 星期三
2009年5月27日 星期三
黑日
到底我做錯左d咩??
「鄭太」，你到底係唔係更年期??
第一︰你從來無同我講過文件急
第二︰你從來無同我講過律師行吹交文件，我點知姐~
第三︰你係大埔中心，同我係大埔墟出金鐘時間亦都係一樣，你夠膽死同我講我出去會快d
第四︰你覺得成日要幫球會做咁多野，仲話唔止第一、二次，點解你唔同朱校講?
第五︰我唔係幫你打工，你無權鬧我，係電話裡面，你一句嘴都無停過，你有幾惡死，唔止我一個人知，仲有光仔相伴。
第六︰我主人話放係到先(文件)，咁主人都有錯，你唔打去罵佢，阿智同我都係球會職員，你唔打去鬧阿智(比如)，唔通我真係好蝦d。
第七︰你有冇可能鬧完人之後，叫我唔好同朱校講??
ok，咁我同陳生講，無錯嗎?
第八︰你今日吹我去交文件，ok，我搵左阿智幫手，但你成日話急急急，點解你今日先拎張支票比我，如果係咁，你同我一樣都係遲。
最終，你都係靠金鳳小姐拎張票比我，仲要係電話背後不斷講野。
我講完比陳生聽，陳生問我︰點解唔cut你線，我諗我真係太好人。
但件事，我唔會就咁算數。
2009年5月11日 星期一
婆婆安詳離開了.....
2009年5月9日 夜晚 23︰01，這個日子要好好記住.....
親愛的婆婆已經離開了我們......
收到爸爸的電話，已經跑去搭的士，到「大埔醫院」去。
差d還扒了樓梯上，著住高跟鞋的我，什麼都不理.....
直奔到病房，當然婆婆的心跳還有20，但心臟機的線都是直的........久不久才跳一跳。
我的淚水出來了......腦海中不斷出現過往歡笑日子！
親人亦到齊了，每人都跟婆婆說話，雖然她沒有看過我們一眼，但我相信「她」聽到的。
「婆婆，敏婷已經長大了，不用再掛心！」
2009年4月22日 星期三
遊戲
遊戲由2009年4月20日 凌晨開始了，唔知道最終既結果係點呢??
我琴晚(21日)不斷不斷反反覆覆問自己，到底我想要既野係咩??
錢︰真係好重要，但我唔係貪錢，只想有一個簡單安穩生活已經足夠。
兩者只有一個人可以滿足到我，不需要我擔心任何一樣野。
將來︰阿傑一直都為我地將來作打算
而你，我真的適合你嗎???你屋企人不介意我年齡大過你嗎??你真的會諗我地有將來嗎?
錫︰兩者同樣地一直都好錫我，阿傑問過我︰佢到底為你做過d咩??難道佢付出少少就可以埋沒左我地4年幾既感覺??
其實真係唔會埋沒，只不過我既性格一直都唔定，個心亦都不斷唔定，亦唔知道幾時先可以定下來。
我跟他的關係比過往的仲要好，仲要好好多倍。
可能我為他付出既亦比過往的多。
你問我想唔想同佢一齊，我真係有咁諗過，但我知道佢唔會照顧到我，因為他的思想比我還少，只顧目前開心。
我一直傷害緊你地兩個，點解你地兩個都唔肯放棄我這個壞女孩??
對唔住兩位。
2009年4月19日 星期日
心情超差(更新中26/4)
16號至今，婆婆入院已經第三天了，情況一直在轉壞，報告說出婆婆膽管發炎及塞，亦有發燒出現，如血壓一直降的話，亦不會做任何搶救，待她自然..........已經叫我們做好心理準備，心理準備既定義係咩??/真的可以嗎??
我真係發癲啦，我真係好掛住婆婆。
還記得婆婆常常跟我笑的樣子，到今天在醫院的她...心痛極了。
第一天還認得我....媽咪...及敏表姐...其他的已經不知道是誰。
第二天我沒有去，因為人數太多了。
第三天雙眼一直合著，不斷流出眼水，食糊仔(藥)亦食到滿臉通紅，一眼亦沒有看過任何人。
第四天望過我一小眼，之後繼續訓訓訓，不繼出汗，個頭都濕曬，我幫佢拎走一張被，幫她沬過淚水.....一直捉住她的手...真的不想放。
......
......
4月25日精神好好，我看她的時候還有精神，但報告出來非常壞透，中風、爆血管、內出血(未知原因)、老人痴呆，心臟問題等等，今天她的半邊身腫到豬蹄一樣，但對著我們還笑笑口，我叫她記得乖乖食藥，等你出院一齊打麻雀，這刻她真的想說話，但沒有任何聲音，婆婆永遠都係我的小寶貝。
4月26日胃口一般，一直幫她吊了炎水、今天加多了一部心臟機，就好像電視中的一樣...但今天婆婆昏迷了，誰叫她都沒有任何回應.......
2009年4月9日 星期四
發癲了一個晚上
昨天晚上至半夜(4月8日)我真係癲左一晚，傻左一晚，跟阿傑爸爸係尖東「東海」食過生日飯後，我獨自一個坐船到中環吹吹風，點解選擇中環？唔知你仲記唔記得你講過既說話，可能你唔會放係心。
我們身邊的好友已經知道你我之間發生了一些問題！但我真係無諗過解決，捨得....捨不得！！！
我沿海旁一直向前走，轉了一圈，不斷地吹風，真係好凍，我一個人由9點幾一直等到11點幾，為咩而等？IFC陪伴了我兩小時有多，終於等到了，傷心過、心痛過亦哭過，一直談天到1點幾，坐著海旁邊，望著尾班船回來，一架一架船停泊下來，職員再關閘，再一盞一盞燈熄下來。
巴士、船、地鐵亦已經下班了，我倆走回IFC，我最終只有的士回家，回家亦夜了。$167左右已經可以安全回家了。
對著你，我唔會再提半點任何不開心的事，因為我怕.....再一次為你傻傻地等！
我會永遠記住的士站旁你對我的每一句說話、果一刻所發生的所有事。
雖然這種關係唔知可以多久，但我至少跟你真的開心過。
我真係好開心。多謝你帶給我好多既第一次，以及美好的回憶。
2009年3月28日 星期六
給你的最後一封信。
真心愛一個，先要學識如何待她/他好，不要令她/他受到不必要傷害。
這一點我相信不難，但對你....可能真是一個難道。可能你年齡還小，好多野都唔識為人去諗、而想。
回憶！！
我諗大家與大家之間哭過、笑過、快樂過、我對你的付出已經超出了許多。
希望你唔會嬲我打曬所有野出黎，因為真的是回憶，我害怕到時會通通忘記了。
慰問卡、手術當日、照顧(包括你嘔)、那打素物理、睇billy、磁力共振、見醫生，通通為我帶來一個回憶。
私心！！
我一定有。
你要記住，我從來無要求過你為我做什麼，只是真心付出，真心看待你這個私下好友，無條件幫你。
愛！！
我對你之間存在的不是一種愛。
但有一種好微妙開心感覺，好想你一直係我身邊，無所不談，可能我朋友不多，這一點我相信阿傑最清楚知道，4年內，除左同大佬b、阿燕去街之外，已經沒有朋友了。這點我應該係最失敗，我電話內女性既朋友十個之內已經數曬，但男性........多多多~
好感一定有。我真的真的享受被愛的感覺。
你覺得這個決定對大家係最好，所以我百分百尊重你，亦無任何意見。
彼此關係漸遠了，亦慢慢疏遠了。
問我，真係唔捨得，一晚之間最知心朋友不見了。
亦好難再可以搵返一個有同樣的感覺。
到現在，你說過會一直等你，但你可以等多久?
我跟你解釋過好多次，我同阿傑分開，起因係你，因為佢主動跟我鬧交，佢主動說一年內分手，我講過情侶之間感情好，誰都不能介入，包括你，感情係雙方一齊努力維繫，如果任何一方有異想，這關係亦難以落去。
承諾！！
你對我的承諾，我知道你是認真，但好多說話不是除除便便可以說，這一點你要好好記住。
真心愛一個人，不要問人地比到什麼你，而是你可以為這個人付出幾多，亦不望任何回報。
想清想楚才說，傷害我一個已經足夠足夠了，希望你再次拍拖可以真心對待她，不要令這個人傷心咁多次啦~
遺憾！！
大家知道就好了。不用多說。
最後，好希望東亞運可以見到你出現，亦希望你將來會有更好成績，唔好忘記2008年11月8日的事，你經過失落、唔開心的日子、幾經辛苦才會有今天的成就，你問過我，會黎睇你比賽ma??
我會答︰你想我黎的話，我一定會到。
可能你到時張飛已經留了給自己的女朋友。仲到我嗎?
可能要自費。你比。哈哈~
傻佬。
2009年3月27日 星期五
2009年3月25日 星期三
愛與被愛
相愛的，當然雙方面開心。
被愛的，只有一方人開心。
我自問，沒有這種福氣。
我以往的錯，到今天的我，還是做了同樣的錯。
我自己亦不能原諒自己。
所以選擇了離開你們這條路。獨自一個人生活。
我傷害了你們兩個，真係千千萬萬個對不起。
我知道你對我而家既睇法已經改變了，你說過一年內會跟我分手，不如讓我早早離開吧！
一年後，我快24歲了。我好難再有機會識到男孩。
我這種女仔，唔值得你們咁錫我。
你記得我對你的說話嗎?
得到我一個，會令你失去既野更多，我說過不值得。
喜歡一個人，真係可以無條件付出，但唔係盲目。
跟你背後的事，我一次又一次跟阿傑講大話。
開心過後，總是醒過來。
我們的做法對阿傑非常不公平。
而你，一直一直無條件為我做咁多野，我都係一個有感情既人，我都會有感覺，我知道你真係好鍾意我，可以為我付出，但你對我越好，我越內疚。可能我對你之間真的存在一份感情 / 愛。
試問那一位女孩，不喜歡被愛的感覺。
如果少少感覺都沒有，我相信早早就會叫你放棄、死心等等的說話。
我唔會後悔有這個決定，因為我們之間真的開心過。
最後，我傷害左你們兩位，你們兩位一直一直都好錫我，照顧我，係我心目中真係100分既男仔，我唯一做到的就是對你兩位說聲︰「謝謝」！！你們應該得到一位更錫你、愛你、全心全意對你既人，那位女主角我真的沒辦法擔任，希望你們早d搵到一個真心喜歡你們的女孩。
我知道你兩個唔會咁易放得低件事，但時間可以慢慢沖淡大家之間既關係！
最終，只有我一個人的錯，我對你地兩個唔住。
最後，不需要擔心我、更加不需要內疚。因為這條路是我自己走出黎的。
真心祝福你兩位。
2009年3月13日 星期五
何為真正朋友
我一直都聽到好多關於我既唔好說話，但我對阿傑好與唔好關你地Q事，我需要跟你們交代嗎?需要寫一份長盡報告給你們嗎??
我跟阿傑相處方式一直都好好，阿傑由第一天開始已經知道我既脾氣 / 性格。
我跟阿傑相處要得到你們的認同嗎?
如果問題存在，我相信好難一齊到今時今日，我們一起已經4年幾了....一切已經習慣了，你們不必為我倆而擔心。
當我對阿傑溫柔、好的一刻，你們知多少??
有需要在你們面前表現出來嗎??
你們的腦永遠都只係記人地既唔好既事，你們談笑完，又如何??
在他們全班當中，我認識得時間最短係阿霆，阿霆傷既期間，你們有去探望過一次嗎??
..........................！！！！
阿霆在我背後，讚過我細心你地又知道嗎??這些都是他跟阿傑對話當中，我事後才知道。
你們真的不必為我倆而費心機，因為我們彼此了解對方的需要。
難道你們想要一個常常令自己費心、去蒲、去玩既女朋友嗎?
何為朋友???
幫朋友做少少野，真係會死嗎??
有需要罵自己的朋友嗎??
我懶，我份工作需要做D咩，你知道嗎?
賽前、賽後、申請、文件、book場、球迷會、月結、廚房、記者、網頁更新、派傳單、訓練班、波飛這些都係我工作範圍。(你估搞一個訓練班咁易，人地出名就話會多學生，我地??間間鋪頭走去問人地，可唔可以比我地貼張海報)
你們受傷睇醫生，反而是我真正額外工作，我是出至真心幫你們、慰問卡寫滿說話都是我的心意，亦都係我自己出錢。
幫一幫手，遲15分鐘先回家，有咁大問題嗎??
今晚，真的說多了，不喜歡聽的話，真的對不起。
2009年3月9日 星期一
愁
其實最近發生左好多事，是好是壞，我真的不知道，但總會帶來一點開心。
當中的過程多少真假、我亦都不知道，只能憑直覺去估計。
而當中的估計多少成估中了，我亦都不知道。
我唔希望任何人受到不必要傷害，但如果可以選擇的話，我寧願選擇自己傷痛，因為係我比了您希望，傷害你果個亦都係我，其實我真係好憎自己，你唔開心，亦都係我既錯，我真係好對你唔住！
傷，總有一天會復原，只係時間性，上一次我記得自閉了一個月才從新站起。
其實這種傷痛，我已經經歷過幾次，我真係真係好難先可以再起返身，面對不同的人。
我真係真係會好好珍惜你地任何一位，能夠真心對待傾心事既人真係少之又少。
希望你日後會有一個好錫你、愛你、真心照顧你既人。
2009年3月5日 星期四
2009年3月3日 哀傷日
其實今日應該高高興興的一天，因為有比賽，我只係返工半Day~
早上跟陳生、姚生開會的時候，收到阿傑既message，寫「嬷嬷」入院，急走的說話。果一刻的我，即刻出門口打比阿傑，航姐及其哥對我說︰阿傑嬷嬷有事，好急就走左。
當我了解件事後，明明高高興興睇比賽，反而，坐車自己一個人的時候，偷偷流下眼淚。不知「嬤嬤」那時候會離開這個大家庭！！
心想，醫生話阿傑「嬷嬷」24小時內最關鍵，心臟附近有兩條血管不通，睇波的時候已經灰了。
比賽當中，阿冼正選上陣，但20分鐘左右便傷出，那刻，聽說很嚴重。
當時的腦袋只想，我們的好朋友又一傷出，阿傑、阿霆、光仔、來強(小傷)，現在，還有阿冼這個小男孩。
比賽後，收到阿傑姑姐的電話，說︰嬤嬤現在情況危殆，盡快到醫院。
到醫院後，所有家屬都入到心臟科病房，每一個人都哭到眼紅紅，包括了我，哭不成聲。
嬤嬤認得我係邊個，還對我笑，這時我的眼淚已經流出黎。
她很累很累，不斷想睡，她說每一句說話都很辛苦，真的心痛。
我留到9點左右便自己走了，因為還有阿冼這個好友，到醫院後，阿冼已經照過X光，等候見醫生。
最後，我跟陳生車回家了，因為真的哭得很累，9點半還未吃飯。
訂閱：
文章 (Atom)