2011年6月26日 星期日 天暗暗般
一早已經Plan定這天行程，就係2011年第一次的下水禮!!!!
地點選擇了黃金海岸海灘，順手食埋個Buffet La~
中午13︰00左右已經到達la，但今天沒有陽光，好彩沒有下雨，一直都係天陰陰!!!
這班大男孩，買了排球但用腳玩，真新奇！
其實，還有一大班好友出席，晚上Buffet 18人出席呀，聽落真係好開心！連枱也是長長的一張！
2011年4月27日 星期三
4天假完了
四天的復活節假期完畢了！
復活節，今年沒有收到任何朱古力雞蛋?
趙俊傑，點解?
我自小最喜歡的節日百分百就係復活節，但我從來都覺得復活蛋唔好味，我自小喜歡它的包裝，袋內有小雞仔或大大隻復活蛋，最好的，還是有「籃子」載住朱古力蛋！
小時候，喜歡叫著媽媽買...媽媽就會讓我選我自己最愛的「復活籃」！
人大了，媽媽已經不會再買給我....
只好讓著阿傑，叫她送給我吧~
復活節過了，只好再等下一年吧(可能你忘記送 / 我家中太多朱古力(籍口都幫你諗埋)
無用不過，這幾天假，我生病了，日日浪費了去郊遊吸收太陽的機會！
病好似一次過走曬出黎，連牙也有事，my god，點算呀..我唔想無左隻大牙(慘過註牙呀)！
唉....這個假，心情好似落左深深處~
四天假，除了看比賽、睇牙醫，基本上都係留在大埔生活~
算好還是壞?
2011年4月10日 星期日
香薰園
2011年4月9日 星期六 天睛炎熱
等阿傑練完波後，一齊入粉嶺食Lunch，其實二點時間，已經可以叫下午茶了!!
阿傑選擇了「就」我，即係壽司，我們去了元氣壽司，唔知d市民係唔係怕幅射，好少人！得幾枱客！
我早在星期四已經plan了去邊度~
到底...去那??
咪係去香薰園囉...最主要有得摘「士多啤利」呀！正~
食飽後，我們坐小巴入去啦~我做好曬功課...帶路既，當然留返比趙生啦！
去到門口先比$10蚊買門票入香薰園...一人一貼紙~
一入門口，已經好多羊咩咩歡迎你，不過d味都幾勁下...
場內有bbq、餵魚、餵羊($5草)、釣魚、摘士多啤利、有機菜、蕃薯等！
不過最特別之事情，一定是這樣了!!!
大家有否留意今次這些相呢?
這次我們遇上了一位攝影發燒友，他正正幫朋友影pre wedding photo~
這位男士很後生，很專業，我起初還以為他是婚紗店的專業攝影師，哈哈!!
搞錯曬~~
以下，你覺得有pose的相，或比較特別的相，都是由他指導的！
很感謝他為我倆影了不同角度的相，不知道還有機會遇上他嗎?
有些相不是企櫈、就是差不多趴在地上影....
後記︰今天很滿足、遇上一位大好人替我們拍照留念，摘了$70左右「士多啤利」，在場洗淨即食了(洗了一大半，因為我上網看見很多人說，回到家已經開始爛爛地)，我只是留了數粒回家，果然有這個問題出現，開始淋淋地咁...要快點食了~~不要浪費我們親手摘下的每粒！每粒都係真貴，我們大了大大少少的田園，才有這個收成~
6︰30pm走了，等小巴出市區(p.s.最好call的士，因為有排排隊，小巴約15-20分鐘才一班，我們要等到第三架先可以上車，差唔多等了一小時呀~~oooo..本身可以上第二架既，可惜....國內人士....唉~~
出到聯和墟，發現一家拉麵店出現人龍，搞到我地兩個傻傻下，即刻落車看看是什麼，排幾位去試試!!
果然好吃呀!!!不過比較貴！試過可以了~~
趙生，希望你滿意這次的行程！
love u~
2011年4月6日 星期三
挪亞之旅
2011年4月2日 天朗氣清
挪亞方舟已說了很久，很久都沒有安排好時間去...
剛過去的星期六，出發啦！
阿傑早上還要練波、開會，準備星期天的大戰(這不說了)
相約好下午1︰30在碼頭等，但差不多時間我打比佢話︰不如中環地鐵站等，好嗎?
佢︰keke，你唔識行去碼頭呢??
我︰......我咁聰明會唔會唔識呀!!
哈!!最終，當然係地鐵等啦，因為大家都係搭地鐵ma~之後一起行去碼頭搭船！
船程約25分鐘，我還暈船浪呢~~而家真係咩都暈...車暈..飛機又暈...而家連船都暈埋~
shit~
珀麗灣既環境一流，好寧靜，跟熱鬧城市相比，可說是兩回事呢~
好舒服、好清靜！
入到去，食過下午茶先啦!!
去相吧~
沿海旁行過去挪亞方舟
買好門票$100位
這個玩具，趙俊傑欣賞很久很久...
大家坐埋同一條船啦，永不分離！
夜晚我們留在挪亞方舟入面食buffet，有兩種buffet選擇，一種係正常buffet、另一種係bbq buffet(我們選了後者，$188位，未計加一服務費)，對著海，看著青馬食bbq，感覺「冇得頂呀」！！
食飽飽後，必去的地方影靚相！
後記︰挪亞方舟足足可以玩半日時間，但我們不夠時間再去馬灣公園影相，希望可以有機會再來一次吧！
對我來說，這個地方值得一去，因為要思考人生，看紀錄片，跟職員相討問題！
如果人生中，只餘30秒時間，你會想留d咩說話給身邊人呢??
真係一個很好的題問，快25歲了，從沒有想過這問題！人其實離死亡不遠也不近！
所以好好珍惜身邊每位朋友！幫得就幫吧~
這天，一點也不悶，還獲益量多！
感謝你相伴每一天！
訂閱：
文章 (Atom)