在家的肥B

2009年1月3日  晚上篇

為了1月4日 星期日方便早上教波，所以去完街街之後專登返阿傑屋企放低冇用既野，再令返第二日教波既野，返宿舍訓！！！

返到屋企，趙俊傑又話要同屋企D貓貓影相，又好，都未試過用新相機幫佢地影，試試先。

在家的大肥B..

永遠都唔鍾意人抱抱既傻Q~

趙俊傑得逞啦，拎左人部相機出黎~~激死~

工展會我又黎啦~

2009年1月3日 星期六

今日無返工呀，一早就陪趙俊傑去搵Billy睇腳，進度唔錯唔錯！！

下午三點幾就過海去工展會啦，年年都係一樣，咁多人~~

背景感覺很特別。

趙俊傑你影相真係進步左呀~~叻仔~

唔知咩黎嫁呢??

 

今晚既晚飯，我建議去「阿貓地攤」，因為好耐冇去過啦。上次中午去，好多貓貓都ZZZZZZ...今次去，見到好多隻貓貓起左身~~

全店我覺得最靚就係 "它" 啦

這隻貓貓次次都ZZZZ

今次叫了一杯「小米」--益力多沙冰加蘋果

這裡的食物唔錯嫁~

$198...價錢算合理。

 

行菊花展

2008年12月26日 中午篇

今日中午的時候，爸爸車我同媽咪去拜舅父、公公他們！

今日原來有菊展，所以我又試試部新相機(450D)先~

450D影出黎真係好靚~

今日媽咪揸相~~唔錯呢~

P.S. 我媽咪五十幾歲人，第一次用單反，應該鏡頭方便佢一D都唔識教，但係，媽咪影出黎既效果比想像中好，睇黎「趙俊傑」應該請教一下我媽媽~~

簡單黎講，我媽咪影得好過趙俊傑多多聲~~媽媽起碼識得攞境去影...而趙俊傑呢...我都唔知叫人就境、定係境就個人影~~唉~~

2009年1月1日 新開始

2009年1月1日 星期四  放假日~

今早跟爸爸、媽媽飲過茶之後，返屋企休息一會就出街街啦！最近可能因為鬧完交，趙俊傑乖左好多，好準時，我地先去旺角sony專門店整部相機，相機而家變左「食電怪」，好快好快就會冇電，有冇搞錯！！！

之後行行下，趙生建議不如整埋部nokia電話(N82)，又好，又去整...一小時可以取

所以去左食下午茶，「椰林閣」，我地每人仲加$12食甜品，正呀~~藍莓chesses cake~食飽飽，時間真係岩岩好~~

四點，準時去拎電話~

之後去左邊??

....

........

就係...黃埔啦~~

點解去果到??因為...

......

就係冒險樂園啦~~黃埔分店應該係最大間

我地玩左$400呀!!真係癲左~

但今日女性唔舒服，慘，心情唔多好...晚飯普普通通「大家樂」算了。

對唔住趙俊傑呢~~陪我玩足一日，同唔到你食好野~~

下次，我一定會請你食好野補數。

今日只能用手機影相咋~

 

\

其實地下影少d，應該可以影曬棵聖誕樹~~哈~~

不過你已經進步了~

加油~

2009年第一篇blog︰趙俊傑已經返球場啦~

2009年第一個好消息，趙俊傑由今日正式開始，可以到球場跑步啦~今日跑左三十分鐘，已經累了。希望今日真係一個好開始。

今日朝早有時間，所以過左球場影下相，再試試部新相機，可惜仲欠一支長鏡頭。

好清、好靚~

唔知係唔係陽光關係...唔太滿意~

跑得佢幾開心~

光管腳

趙生又想做個比對，大家覺得左右腳分別大嗎?

好認真地跑丫跑...

今天的你，還是很美很美

過左幾天的你，仍然開得好靚，希望我可以跟你一樣，心情天天如是，就可以了~

好多謝趙俊傑花心思令我回心轉意，這個男朋友值得我細細回味過去點滴。

 

08年最後一日

我睇過好多人既blog都話要回顧08年既事，而我，我都好想好想回顧，但當我一直打blog既時候，我完全完全諗唔起有咩我值得回顧，因為我腦海中只有失望、傷心、失落至哭~

唔開心的四週年、舅父過身、爸爸工作、阿傑既腳、光仔既腳.......我的感情錯事

如果每一個月發生一件事，Li幾件事已經用左幾個月既時間...

所以我真的不咁再諗、再想像..因為一切一切係時候要劃上句號！！！

我2009年既希望好簡單︰就是看見你復出，等著你南華入球，見証你的成就，所有人不要再傷病，平淡而過就足夠了。