28-07-2009 週年晚宴(更新4/8)

今晚係「大埔足球會」一年一度既週年晚會，今晚好熱鬧呀！

球員、球迷、精英、女子足球隊共七圍，我地係三樓玩到好癲。

而我，不停在二、三樓之間上上落落，累透了!!

好正的一張相~

阿傑入宿考C牌

由今日起，阿傑正式入宿「教育學院」考C牌啦，為期27/7-8/8，希望你比心機呀....
好彩教育學院唔算遠，夜晚還可以相約見面，算唔錯啦!!

希望你入宿可以放下街外的事，但我相信好難囉....

今晚你又出走去教女子隊啦!!!唔聽話!!

友賽南華

2009年7月24日 星期五    京士柏運動場  輸2︰0

今日阿傑踢了半場有多，隻腳有少許不適。

不過阿政話︰是正常的!!

今天，再次聽到一下巨響，搞到我同阿政都有d擔心....你.....

唔知點解，過往比賽中，我從沒擔心過阿傑會受傷，e.g.比賽中爆頭又試過，我真係少許擔心的感覺都沒有，因為知道阿傑就係「神」，往往很多事你都會估唔到!!

但自從阿傑大傷過後，我見到他在球場，個心真係會跳得特別快，好緊張，可能見識過這大傷雖要至少7月個才慢慢踢返比賽(仲要勤力才能)....真的害怕，

請你好好保護自己每一部分，不要再令自己受傷!!

不要再令身邊人為你而擔心......

愛鍚身體每一部分...

最後，當然要最愛我啦!!

 

一則笑文

有一日，無無聊聊同阿傑談起家中的貓兒，佢無端端在笑??

我︰你笑咩野呀??

傑︰我諗起D好笑野...

我︰講黎聽下.....

傑︰咁你聽住啦wor....

我︰ok..準備好..你講啦!!!

傑︰不如我地養多一隻貓囉??

我︰點解呀???你屋企已經有二隻，夠啦，唔準再養呀!!

傑︰你諗下，如果一到開餐，叫阿B、阿Q過黎食野，分開叫好煩.....

我︰咁同養左一隻貓有咩關係呀???

傑︰如果養多一隻，咪可以一齊叫BBQ過黎食野囉!!蠢...

我︰這個時候，已經笑都唔知做緊咩了!!!哈哈!!

藍鈴失蹤了

唉，好唔開心！！

由三個月左右一直養到佢地歲幾....每一日都係宿舍見到佢地，zzzzz....

到今日少左一隻，個心真係好唔舒服，一直陪住我既寵物不見了....

到底你係比人捉左..定係...已經不在世上???

到底邊個可以話我知???

藍鈴，我會盡力去搵你，等我呀!!

已傾談新合約

2009年7月10日 星期五

今日陳生跟阿傑已經傾談好新合約內容，這一次傾談十分平和，因為我倆已經有心理準備，加的人工不多，亦沒有任何條件傾談，所以約半小時已經傾談完成，所以新一季再跟各球迷見面吧！！

是進、是退??

現在一直等什麼???

前面的路是光明、或是...黑暗??

應該如何是好??

相信還是靜心等待一切!!!