今日2008年10月4日(星期六)，趙俊傑25歲生日，雖然阿傑事前已經講過，唔洗周圍話比人聽佢生日，本身我真係衰到連生日蛋糕都冇買，但諗諗下，佢今年實實左左太黑仔，唔見電話，兩隻智慧牙長期煩擾(最近重傷，已經解決了)、又大感冒、友誼賽咬到嘴唇、唔小心整到頸、到現在左腳十字帶都斷了，請問大家你話黑仔嗎?所以最終買了生日蛋糕，讓他開心一下，因為遲d做手術啦，要好好休養長時間。
美心買的(大埔墟分店)。好好味。
球員為他高歌一曲。阿佳、康廉、阿智、興仔、航姐、陳生、門仔、威廉等等~~
見到已經留口水啦~
佢似唔似女仔呀??
最後...當然唔少得我兩個啦~~
中午，去左睇新界地產和富大埔 vs 東方比賽，我地贏3︰1..
比賽後節目>>就係跟物理治療師Billy So走了，今天又再下針了。
看見..真的會心痛。
很喜歡的一張相。
晚飯︰又一城 i.t.對面、皇后餅鋪隔離...食物算ok啦..唔岩我口味..
希望由今天開始，不論我的工作好與唔好、出現失蹤都好，都有你地既支持，忙於照顧病人，我只能盡自己最大既努力工作，餘下時間將送給病人。事件發生後，好似得不到別人安慰，你會support我嗎?
美國舅父最近身體好差，一直長住醫院，他某日就會去第二世界，個心好難受，好似發夢一樣，媽咪聽日過美國啦，這一個月要靠自己搞點二餐。好掛住舅父我愛你。
2008年9月30日星期二今日準時9點30分去到那打素見醫生，先付$60，第一個就入去見啦，醫生睇過，阿傑既進度比較慢，隻腳未能曲，如果兩星期後再覆診，阿傑隻腳仲係未能曲，咁醫生就唔會比阿傑做手術，對佢日後會有影響，醫生幫佢排左11月6日(但張紙係寫11月5日，所以我都唔知5定6)，10月份將會好忙，第三次返去見骨科醫生、第一次約見麻醉師、第二次返去義枝換腳架，仲唔少得既牙科。
我都好想知道我今個月既安排係點???好忙??到底會唔會有人分擔我既工作??
到左11月，我真係唔咁想像，阿傑做手術(留院到出院，回家休養一段長時間，康復物理，覆診等)，再加上自己煩忙工作︰
1.球迷會(比賽日、聯絡)
2.顧問、會長、贊助商聯絡
3.換票証(主場至少1200張、作客160張左右)
4.比賽前申請文件
5.足總文件處理
6.BOOK場練波
7.跟康文署開會
8.記者訪問安排
9.買一送一宣傳單張
10.每個月月結文件(比賽用品、球迷會、膳食開支、訓練班收入記錄)
11.訓練班
12.電話查詢
13.廚所膳食記錄
14.活動(係唔係都要我去..灰)
P.S.幾時陳生先比我走呀?
9月23日(二)，非常不幸，我今日11點30分左右去左佐敦拎阿傑既磁力共振片，共14張，拎完之後，好快好快就返左大埔，因為真係好想快d知道。四點鐘，約左那打素Dr.Cheung，一路等待其間..個人好緊張..個感覺好似坐唔定一樣，一方面又辦到冇事一樣，如果我緊張，又會令阿傑緊張起來。所以一直笑笑笑..不斷講笑話，只想他笑。
醫生叫我們了，入房後，即刻比片醫生睇，好彩的....半月板冇大礙，只有少少撕裂，當我們好開心同時，醫生話︰仲有下文，我們之後沒有再笑過，左腳前十字帶..斷了，個心聽到後...灰了，而家盡快幫佢安排手術，再等6-9個月康復。離開醫生房後，我們一直打電話通知各人，個心真的非常非常難受。我一邊安慰阿傑，一邊控制自己情況，我只知道不可以讓阿傑為我而擔心。
阿傑︰我雖然一直做錯很多事，一直獲得你的原諒，上天安排我識到你，之後跟你一起，真的是緣份！這次可能是上天給你我的考驗，我深信你我連成一起，沒什麼解決不了。當你不開心的時候，請你好好記起我，當你需要我的時候..我一定會係你身邊支持你。
醫院為阿傑而做的，固定腳架，走路非常不便，但你有我係你身邊，不用怕。
蕃薯傑不小心於9月17日練波整親，佢11點鐘打黎..我已經覺得有少少出奇(因為平時係唔會咁做的)，佢同我講︰我練波唔小心整親左腳....「菠蘿蓋」，佢的形容好恐怖，我立即放落所有工作，飛的士去那打素搵佢，點知..可能我真係非常心急，佢仲未到。過了十分鐘左右，我見到佢用擔架抬落黎，心諗，這次真的不輕。佢直入急症室，男護叫我替他登記手續。等.....照過x光，還有未結果，護士送上一粒藥，著他等待一小時，醫生替他排期25號睇骨科作詳細檢查。今天9月21日，算是好運吧！陳生替阿傑搵到醫生，可以提早少少檢驗傷患，明天....有結果，個心真係不好受。願各人保佑！P.S. 物理醫生︰他很大機會斷了，但到底斷左咩，幾多成機會真的斷左，這個答案我真的想知。我願意跟你一起面對。
快意空調甲組聯賽︰
2008年9月9日(星期二) 屯門普高 vs 新界地產和富大埔 (上陣全場) 0︰3
養傷........
.......
足總盃復出
2009年5月17日(星期日) 新界地產和富大埔 vs 屯門普高 16︰00 旺角大球場 「後備」 3︰0
2009年5月28日(星期四) 新界地產和富大埔 vs 傑志 16︰00 小西灣運動場 「後備68'入替」2︰1
2009年05月31日(星期日) 新界地產和富大埔 vs 四海流浪 15︰30 旺角大球場「後備62'入替」1︰0
2009年06月06日(星期六) 新界地產和富大埔 vs 天水圍飛馬 15︰00 香港大球場 「後備76'入替」2︰4
今季首場比賽
唔知你望緊咩呢??
對住你，頭到大埋！Oh！mY gOd
