2010年6月5日 星期六 「黃金海岸沙灘」
沙灘出席者︰我&阿傑、來強&Miu、門仔&Rain、樹燊、得豪、阿勇、阿洋、光仔、阿冼、阿霆、軒仔、羅賓奴、阿炮、阿佳&阿燕、康廉...........仲有冇呢??
另加「海鮮」飯局者︰張醫生&女朋友、阿禮&Karen
相約一點鐘回宿舍，一架一架車出發，先到廟宇拜一拜方師父...
之後再齊齊出發往沙灘，原來有車入屯門都幾方便...
今天下水禮真係好凍，落水後，起曬雞皮，凍到入心....今天好似最高只得29度，最佳下水禮應是7月份的時間，水亦不會這樣動!ooooo.....
唔講咁多啦..睇相啦!!
大肚婆--四個幾月啦!!
大家估估他在做什麼??
..........
.........
........
.......
......
.....
....
...
..
.
就係洗一洗腳...
著返對跑鞋..
之後..
咪跑步囉!!!
成班人玩...佢玩玩下走去跑步..
比佢笑死啦!!
懶，是我的天性！
係時候要補回一篇blog啦!!
話說，「足可圓夢2」相信每位大埔迷已經等耐已久...
在523比賽日，舉行首日賣，雖然落著雨，入場睇波既球迷少之又少...
作為職員的我，當然要買返一本支持下啦!!
但我咁懶...本書當然未睇曬啦!!呵呵!!
6月份就會係書局中搵到，快d買本支持一下大埔既球員，最重要就係趙生得到大家的支持。
比賽後，我個個球員都有搵佢地簽名，變了小fans~
他的堅持...已經等過不少年頭，他現在的所有，都是一手一腳自己努力的回報!!
這個回憶我一世都不會忘記，站在甲組多年，第一個入球就是對南華...慶幸...
我相信唔係好多球迷會記得你..斷過十字帶，但努力的你，從來沒有叫過一句辛苦，要求醫院物理治療師天天給你覆診，常常做水療，踢機....!!
最後，知道足總盃對我們來說，是重要的，你不斷不斷求醫生準可你後備上陣，你這種永不放棄的精神，是每一位都要學習!!
往年的足總盃，多謝張sir的信任，放你後備上陣，最後還拿了冠軍，值得的!
這本書一一記錄曬所有的事，過往慘到無人信的生活，但我跟住你，一起捱過!!
入波、養傷、復出、足總盃等等....
這本書只可以說，多謝作者「莫逸風」給阿傑咁大的篇幅!!
身上傷過大大少少的傷口，縫針的次數....留院....爆鼻(鼻骨斷)....十字帶...我已經一一睇驗過，希望你在新的環境，繼續尋找你的夢想!繼續進步!!
最後，多謝羅生賞識，帶"您"往新的環境，接受更好的學習!!
5月23日比賽後，很多大小朋友拎住足可圓夢四周搵球員簽名，但最估唔到，就係「飛馬的chris」買了這本書，找你簽名，還叫你留下電話...心想...當然估都咩事啦!
真係唔夠15分鐘，佢真係真係打黎.....
你今年既努力，羅生真係睇到....
佢想找你去飛馬/南華...
一聽到，你足足整晚...係整晚都開心不停...說話亦不停...
哈哈!!
羅生開價$16000..亦有份踢正選(當然要你自己努力啦)....
但最最最最最估不到，25號中午左右，chris再一次打黎，話羅生想安排你上山，還要拍偉豪踢，一聽到，個心都唔知飛左去邊，還說港隊預左你啦!!
佢自動開價$17000....
但又一樣估不到的，就係楊生不斷要求你們三位留下，多多錢都可以比..難得!
所以約左5點鐘上去bma再傾傾，估唔到快成咁，簽了兩年約，第二年一定要加薪，12個月糧，真係正!
希望你li兩年真係搵錢時候，比信心自己，加油呀，不要怕!
你辛苦了咁多年，希望上山真係可以拎到你想要的東西，證明自己。
看到以下的網頁，真係有點驚訝，真係估唔到"它"會這樣形容阿傑，多謝阿溫Post左這段文章上Facebook...
http://hk.u-soccer.com/
但是若有留意過大埔在亞協盃中的賽事，不難發現大埔的年輕球員們都表現得一場比一場好，他們將每一次跟外國球隊所得的經驗都用在下一次的比賽裡，這就是學有所用。像跟陳偉豪一樣司職中堅的趙俊傑就是這樣從板凳開始打出信心，成為了球隊中的定海神針。
今日早早就到了深水埗運動場，只見餘下我一個人，所以.....行街街囉~
好彩我認得路，去到長沙灣廣場逛一逛!!
再吃一個飽飽的下午茶餐，乖乖回球場工作!
企了半小時左右，即閃!!
今日場波都幾好睇，眼見趙俊傑頂了很多球，解圍亦不少!!
下半場一開波，車仔受傷了，以為很快便會無事!
誰知....要call白車...
陳生自自然然就會叫我去....收到call，飛奔到地面...看看車仔傷勢!!
車上醫護人員好搞笑....不斷傾傾傾!!!
我還笑笑口鬧車哥︰你搞咩野呀，阻住我睇波!!
去到醫院，還不停地傾!!
車仔只說了很累!!
護士還以為他失憶....問他點樣受傷...佢只說︰「唔知」!!
哈!!比佢激死!!佢問我知唔知...我當然...唔知啦!!傻既!!
等待照x-ray...我只是叫他睡一睡...
明愛醫院可能唔夠醫護人員，叫我幫手推病床，他是我的朋友，我當然落意去做!!
報告出了，鼻骨斷了，跟阿傑之前一樣，不過他應該冇移位!
傾多兩傾....他似乎.....有點...想....
我只好去一去廁所，叫阿傑睇一睇佢....我再回去!!
男孩子，不要害怕!!
流浪既朋友仔︰唔好介意我偷了你一張相呀!!sorry呀!!
雖然未必個個認同你，你亦都很大的進步空間，努力下去~不要被人的說話影響了自己，你已經快27歲了，希望你會識諗更多更多!!
