2009年4月11日 星期六 天晴
今日好累呀~~到底我今日做左d咩??
分享d相比大家睇啦~
就係一行六人齊齊踩兩人單車啦~
哈~~這兩張相都係我set好部相機之後影嫁~~非常之滿意呢~
三位美女~
我跟薯傑~
科學園---金蛋
因為佢地下午完練波，所以成4點幾先開始踩，踩到出馬場就回程了，差不多6點幾交車，因為我地三個女仔都懶....唔想自己踩一架，所以租了二人單車($100)，比我地d女仔可以懶一懶，辛苦了前面那位了。
哈.....阿佳還提議到沙田圍打邊爐...哈...又成行了，每位77蚊，任飲任食，大排檔風味，So Good，佢地仲食左好多海鮮，我唔救膽食咁多呢....
今日非常之滿足....好開心呢~
昨天晚上至半夜(4月8日)我真係癲左一晚，傻左一晚，跟阿傑爸爸係尖東「東海」食過生日飯後，我獨自一個坐船到中環吹吹風，點解選擇中環？唔知你仲記唔記得你講過既說話，可能你唔會放係心。
我們身邊的好友已經知道你我之間發生了一些問題！但我真係無諗過解決，捨得....捨不得！！！
我沿海旁一直向前走，轉了一圈，不斷地吹風，真係好凍，我一個人由9點幾一直等到11點幾，為咩而等？IFC陪伴了我兩小時有多，終於等到了，傷心過、心痛過亦哭過，一直談天到1點幾，坐著海旁邊，望著尾班船回來，一架一架船停泊下來，職員再關閘，再一盞一盞燈熄下來。
巴士、船、地鐵亦已經下班了，我倆走回IFC，我最終只有的士回家，回家亦夜了。$167左右已經可以安全回家了。
對著你，我唔會再提半點任何不開心的事，因為我怕.....再一次為你傻傻地等！
我會永遠記住的士站旁你對我的每一句說話、果一刻所發生的所有事。
雖然這種關係唔知可以多久，但我至少跟你真的開心過。
我真係好開心。多謝你帶給我好多既第一次，以及美好的回憶。
今日早上6點10分就起左身啦，好準時，因為知道自己所有動作都會好慢，所以....早早我就搞點等爸爸媽媽起身，就出門口Lu~
6點45分 準時出發
過完大陸...差不多已經8點了...火車上迫到變豬~
香港過關....超多人.....迫到變餅。。。。。
今年我地試試新方法回西鄉..就係...
搭地鐵啦~~
由頭坐到落尾....算好快..半小時左右就到「世界之窗」~
再轉巴士...終於回到鄉下，再行好遠路上山..上山後，變了一隻魚..大家估下點解啦?
西鄉這個地方...其實我都唔知係邊到，只知道細細個手冊裡面寫著「寶安」二字。
今日天氣非常之熱，好彩今年著了小背心。
拜過山後，係時候食午飯啦~
之後過返「世界之窗」行左商場一陣...環境好靚，睇戲仲貴過香港，晚上一張飛要90蚊人仔....高消費呢~
之後迫巴士返黎深圳...再行行行...食晚飯.....
回家已經晚上20︰45....
足足由6︰10 a.m - 20︰45 p.m.
累死阿姜啦~
哈，第一次由頭坐到落尾咋~
商場裡面影，覺得好靚呀~
今日無紮馬尾，唔知大家覺得點呢??習慣這個髮型嗎?
好似去左巴黎一樣..哈哈~
2009年4月1日 星期三
今日出席天水圍一間中學為學生作演講，雖然今次活動主要嘉賓係阿傑及阿智，但是次活動可以話由阿智一個人做talk show...真係勁....我作為聽眾..至少我覺得唔悶呢~
簽名留念
右邊果位女士就係中學既校長~
學校送了禮物給嘉賓留念...阿傑聰明，識得望住我~
最後，接受學校小記者訪問~
今天活動完結了。
回大埔中途，發生了小插曲，比兩隻白鴒捉住，因為車中有九個人，好彩只是罰款了事，如果唔係的話....又要唔知扣幾多分，真係好彩好彩。
回到大埔，我就跟阿傑、樹燊一齊探肥詹，今日佢做手術，醫生證實了兩邊半月板都有事，現在亦幫佢整靚了，但十字帶一樣斷了.....要等待4-6星期再可以做手術。
唉....今日好似好多野都唔順利，到底發生咩事??
